Numeri 1:18 - AHYERƐLƐ KRONGRON

¹⁸ na bosome bɔ ɔtɔ so nyɔ ne, ye kyẽa bɔ oli moa ne, bɛmane maen ne amukoraa bɛbɔle dwaa. Bɛhyerɛhyerɛle bɛ dumaa kyɛbɔ bɛ mmusua mmusua ɔne bɛ nana mɔ sasofoɛ te ɔ, na mmienzua bɔ bali ofi afoɛ aburanyɔ bɔ ɔkɔ ne, bɛhyerɛle bɛ dumaa ngoko ngoko,

Numeri 1:18 Iomraidhean Croise

Ɛsra 2:59

Mmeni kure hemɔ befili Tel Mela, Tel Hasa, Kɛrubo, Adan ne Yimere bɛwale, nakoso bangora bangyire bɛ si: bangora bangyire abusua bɔ befi nu ɔ, yeɛ bangora bangyire kyɛ bɛte Yisraelfoɛ.

Nehemia 7:61

Mmeni kure hemɔ fili Tel Mela, Tel Hasa, Kɛrubo, Adon ne Yimere bɛwale, nakoso bangora bangyire bɛ si, yeɛ bangora bangyire abusua bɔ befi nu ɔ, yeɛ bangora bangyire kyɛ bɛte Yisraelfoɛ ɔ.

Ɛksadɔso 6:14

Mbanyi bɔ né bɛlela b’abusua nemɔ noa ɛhe: Yisrael bamuɛbaa Ruben ye mma mɔ: Hanoke, Palu, Hesron ne Karemi. Ruben abusua mɔ ɛne.

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 1:17

Mose ne Aarɔn fale mmienzua hemɔ bɔ babobɔ bɛ dumaa ne bɛbokale bɛ nwo so,

Hebrifoɛ 7:3

Olle niɛ, olle seɛ, olle abusua biala, ye ngyẽa olle ahyɛaseɛ, yeɛ ye ngoa koso olle ayieleɛ. Ɔte kyɛ Nyameɛ Awa ne, na ɔte sɔfo afebɔɔ.

Hebrifoɛ 7:6

Na biaa bɔ ye abusua ɔtte bɛ deɛ ne bie ne, olele buru nu ngyɛmuɛ ko fili Abraham berɛ, na osa yirale bɔ né bɔhyɛ ne te ye deɛ ne.