Numeri 1:16 - AHYERƐLƐ KRONGRON

¹⁶ Ɛhemɔ yeɛ bɛyele bɛ befili mmenia ne anu ɔ, mbanyi mɔ bɔ bɛlela b’abusua kure nemɔ noa ɔ: bɛ yeɛ bɛlela Yisrael mmusua mmusua nemɔ noa ɔ.

Numeri 1:16 Iomraidhean Croise

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Numeri 1:15

Nafetali abusua kure ne, Enan awa Ahira kogyina bɛ gya nu.”

Numeri 1:17

Mose ne Aarɔn fale mmienzua hemɔ bɔ babobɔ bɛ dumaa ne bɛbokale bɛ nwo so,

Numeri 1:4

Odi kyɛ abusua kure biala nu sona ko, bɔ ɔla b’abusua ne noa ne ɔboka ɛmɔ.

Numeri 10:4

Nakoso sɛ behu komapɛ a, mbanyi mɔ bɔ bɛlela Yisrael mmusua kure nemɔ anoa ne yeɛ beeyia wɔ wɔ nyunu ɔ.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 16:2

Yisraelfoɛ mmienzua ɛyaa nyɔ ne aburannu, bɔ bɛte maen mbanyi, bɔ bapa nu baye bɛ, bɔ bɛte atitirefoɛ ɔ, na bɛhɔle Mose so.

Numeri 26:9

Eliabo mma mɔ ole Nemuel, Datan ne Abiram. Sɔ Datan ne Abiram hemɔ ala yeɛ né bɛte mbanyi wɔ Yisrael, bɔ bɛ ne Kora bedwɔsole betiale Mose ne Aarɔn, ná bɛyɔle AWURADE nwo lɔen ne.

Numeri 30:1

Na Mose sele mbanyi bɔ bɛlela Yisraelfoɛ mmusua kure nemɔ noa kyɛ, “Ahyɛdeɛ bɔ AWURADE ahyɛ ato berɛ hɔ ɛhe:

Numeri 7:2

Sɔ kyẽa ne, Yisrael mbanyi, yeɛ mbanyi bɔ bɛlela bɛ nana mɔ sasofoɛ noa, yeɛ mmusua kure nu mbanyi bɔ bɛlela mmenia bɔ bɛhale bɛ nemɔ noa ne, bɛbɔle afɔleɛ.

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Maenbulɛfoɛ 6:15

Gideon buale kyɛ, “Me mene, me yeɛ nne nwa bɔ mekora mepepɛ mede Yisrael ɔ? Manase abusua kure nu, m’abusua yeɛ yɛte awiɛmvoɛ koraa ɔ, na m’abusua nu koso, me yeɛ nde kãa paa ɔ.”

1 Samuel 22:7

Na Sɔɔlo sele ye somvoɛ mɔ bɔ begyigyi ye nwo berɛ ne kyɛ, “Ɛmɔ Benyaminfoɛ, ɛmɔtie! Yese awa ne, aso ɔkɔma ɛmɔ nu biala eboo anaa bobe boo? Aso ɛmɔ amukoraa, ɔkɔbɔ ɛmɔ koɛhonɛfoɛ apee apee so safohene, anaa ɛyaa ɛyaa so safohene?

1 Samuel 23:23

Ɛmɔɔpena benwu ye afealeɛ ne amukoraa, ná ɛ́mɔfa ye nwo amaneɛ pɔtee bɛɛbɔ me. Ɔba ye sɔ a, me ne ɛmɔ yɛkɔhɔ. Na sɛ ɔwɔ mbɔtam berɛ angome de a, ye de ngɔpena ye wɔ Yuda mmusua amukoraa nu.”