Nehemia 9:8 - AHYERƐLƐ KRONGRON

⁸ Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Nehemia 9:8 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 15:6

Abram lele AWURADE lili, yiti AWURADE buli sɔ nikyee ne kyɛ ɔtengyɛ wɔ ye nyunu.

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

2 Samuel 22:31

Sɔ Nyameɛ he, ye atee tengyɛ, AWURADE bɔhyɛ te nahorɛ, na ebiala bɔ ɔbɔ ye nwo waen wɔ Nyameɛ nu ne, Nyameɛ te ye akokyɛm.

1 Aberɛso Dwirɛ 1:14

na Kanaan boso ama ole Yebusifoɛ, Amorifoɛ, Gɛgasifoɛ,

1 Aberɛso Dwirɛ 16:16

apam bɔ ɔne Abraham bɛyɔle ne, bɔhyɛ bɔ ɔtale ndaen foale so fa mane Yisake ne,

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Edwein 116:5

AWURADE do sona, ná ɔtengyɛ; amba, yɛ Nyameɛ se anwumvoin.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Hesekiel 33:24

“Sona awa, mmenia bɔ bɛtete sɔ Yisrael aseɛ bɔ wakakyi kurofoen ne aso ne, bɛnwa, ‘Né Abraham te sona horɛ, yeɛ onyane aseɛ ne fa yɛle ye deɛ ɔ; nakoso yɛ de yɛsone, na yɛ mmom yeɛ bafa aseɛ ne bama yɛ kyɛ yɛfa yɛyɛ yɛ deɛ ɔ.’

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Asomafoɛ 13:22

Ɛhe asi ne, Nyameɛ tuli Sɔɔlo fili bia so, na ɔfale Dawide sili bɛ so hene. Na edwirɛ he yeɛ Nyameɛ ha fale ye nwo ɔ: ‘Manwu Yese awa Dawide kyɛ ɔte sona bɔ ɔsɔ me nye, na ye yeɛ ɔkɔyɔ m’apɛdeɛ mukoraa ɔ’

Deuteronomi 26:3

Ɔsɔfo bɔ dibea wura ye sa sɔ mmerɛ nen, kɔ ye berɛ kɔha kyire ye kyɛ, ‘Ɛnɛ kyẽa ye, méto me noa nu tui mekã mekyire AWURADE wɔ Nyameɛ kyɛ, mawa aseɛ bɔ AWURADE fa hyɛle yɛ nana mɔ bɔ kyɛ ɔkɔfa kɔma yɛ ne aso.’

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 11:17

Ɔnate gyidie so yeɛ Abraham, bɔ né Nyameɛ ahyɛ ye bɔ ne, ɔfale ɔwa bienzua Yisake komapɛ twe ne kyɛ ɔfa ye bɔ afɔleɛ wɔ mmerɛ bɔ Nyameɛ sole ye neane ne.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 11:3

Bɛɛbɔle ɛhemɔ koso amaneɛ: Kanaanfoɛ bɔ bɛwɔ eyia afiteleɛ ne atɔleɛ, Amorifoɛ, Hitifoɛ, Perisifoɛ ne Yebusifoɛ bɔ bɛwɔ mmokaa aseɛ ne aso ne, ɔne Hiwifoɛ bɔ bɛwɔ Hɛmɔn bokaa ne nye abo wɔ Misepa aseɛ so ne.

Yosua 23:14

“Kekesaala ye de, waha kãa né matoa me mbanyi mɔ. Na ɛmɔ ahone nu ne ɛmɔ ti anu de, ɛmɔ amukoraa bɛse kyɛ, nningyein paa bɔ AWURADE ɛmɔ Nyameɛ ɔfa hyɛle ɛmɔ bɔ ne, nu ko po nne berɛ bɔ wali ɛmɔ ngasi wɔ nu ɔ; ye mukoraa awa nu ama ɛmɔ, ko po anni ngasi.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.