Nehemia 9:7 - AHYERƐLƐ KRONGRON

⁷ Wɔ yeɛ ole AWURADE Nyameɛ bɔ ɛneaneane nu yele Abram fili Kaldeafoɛ kuro Yure so, ná ɛtole ye dumaa Abraham ɔ.

Nehemia 9:7 Iomraidhean Croise

Gyenesise 11:31

Tera fale ɔwa Abram, ye anomaa Lɔto bɔ ɔte Haran awa ne, ye sia Sarae bɔ ɔte ɔwa Abram aye ne, na ɔne bɛ betu befili Yure bɔ ɔwɔ Kaldea kyɛ bɛ́kɔ Kanaan aseɛ so. Nakoso bedwuli Haran nen, bɛtenane berɛ.

Gyenesise 15:7

Na osele ye kyɛ, “Me ole AWURADE bɔ mvale wɔ mvili Yure bɔ ɔwɔ Kaldea mmale ɔ, kyɛ méfa aseɛ he mema wɔ maa ɔyɛ wɔ deɛ.”

Gyenesise 17:5

Bɛngɔfrɛ wɔ Abram ko, na mmom bɛkɔfrɛ wɔ Abraham, ofikyɛ mayɛ wɔ maen maen pee bɛ baba.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

1 Aberɛso Dwirɛ 1:27

Tera wole Abram. Abram ala ole Abraham.

Yesaya 51:2

Ɛ́mɔnea ɛmɔ nana Abraham ne Sara bɔ bɛwole ɛmɔ ne; ofikyɛ mvrɛle Abraham ne, né ɔte sona horɛ, nyirale ye, na mmaa ɔtale pee.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.