Nehemia 9:5 - AHYERƐLƐ KRONGRON

⁵ Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Nehemia 9:5 Iomraidhean Croise

1 Ahemvo 8:14

Né Yisrael maen ne amukoraa begyigyi berɛ, na Nana Solomon pɛnene ye nye hyirele bɛ dɔ yirale bɛ mukoraa.

1 Ahemvo 8:15

Ɔhane kyɛ, “Animnyam hã AWURADE Yisrael Nyameɛ bɔ ɔnate ye tumi so, nikyee bɔ ɔtele ye noa hyɛle me baba Dawide bɔ ne, wamaa wawa nu ɔ. AWURADE hane kyɛ,

1 Ahemvo 8:22

Afei Solomon gyinane AWURADE afɔleɛ bokyea ne anyunu, wɔ Yisrael maen ne amukoraati bɛ nyunu, na ɔtrɛle ye sa nu pagyale ye sa so hyirele nyameɛso.

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

1 Aberɛso Dwirɛ 16:36

AWURADE Yisrael Nyameɛ ne, animnyam hã ye fi tete oodwu afebɔɔ!” Yeɛ mmenia ne amukoraa besele kyɛ, “Amen!” Na bɛyele AWURADE ayɛ.

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

1 Aberɛso Dwirɛ 29:13

Afei, yɛ Nyameɛ, yɛda wɔ ase, na yɛye wɔ animnyam dumaa ne ayɛ.

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

2 Aberɛso Dwirɛ 20:13

Sɔ mmerɛ ne, Yuda amukoraa begyinane AWURADE nyunu; bɛ ne bɛ ngwadaa ne bɛ ye mɔ ne bɛ mma mɔ.

2 Aberɛso Dwirɛ 20:19

Na Lewifoɛ bɔ bɛ nana mɔ ole Kohate ne Kora ne, bedwɔsole bɛteane nu serɛserɛ bɛyele AWURADE Yisrael Nyameɛ ayɛ.

Ɛsra 3:11

Bɛtole AWURADE nwo ayɛyelɛ ne asennaa dwein fɛfɛɛfɛ kyɛ, “Nyameɛ te paa, ofikyɛ ye ɔdɔ bɔ onni ngasi ne, ɔwɔ berɛ daa ma Yisrael.” Na maen ne amukoraa bɛbɔle ese besurole so bɛyele AWURADE ayɛ, ofikyɛ né bahyɛ ye bo bato AWURADE awuro fapem ne.

Nehemia 9:4

Afei Yesua, Bani, Kadimiɛl, Sebania, Buni, Serebia, Bani ne Kenani begyinane Lewifoɛ b’atweleɛ ne aso, na bele komviɛ piri bɛteane nu bɛsrɛle AWURADE bɛ Nyameɛ.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

Edwein 106:2

Nwa yeɛ ɔkɔhora kɔhã AWURADE nnwumaa mbiri mbiri ne ɔ, anaa ɔkɔhora kɔbɔ ye ayɛyelɛ amukoraa nwo dawure ɔ?

Edwein 134:1

Ɛmɔ, AWURADE somvoɛ amukoraa, ɛmɔ bɔ ɛmɔsɔne wɔ AWURADE awuro berɛ kɔngɔen ɔ, ɛmɔbra bɛɛye AWURADE ayɛ!

Edwein 145:2

Daa biala ngɔhyɛ wɔ animnyam, na ngɔye wɔ dumaa ayɛ afebɔɔ.

Edwein 145:5

W’ahennie animnyam bɔ ɔta hyireinn ne w’anwanwadeɛ nemɔ, bɛ yeɛ medwenedwene bɛ nwo ɔ.

Edwein 146:2

Mmerɛ bɔ nde ngoa nu amukoraa, ngɔye AWURADE ayɛ; ngɔto Nyameɛ nwo ayɛyelɛ dwein mmerɛ bɔ nwomeɛ wɔ me nu ye.

Edwein 16:2

Meka mekyire AWURADE kyɛ, “Wɔ yeɛ ɛte me Mene ɔ; nnne nikye paa biala, sana wɔ ngome.”

Edwein 66:2

ɛ́mɔfa ayɛyelɛ bɔ animnyam wɔ nu ɔ bɛ́ma ye.

Edwein 99:3

Odi kyɛ bɛye wɔ dumaa piri ne wɔ dumaa nwanwa ne ayɛ. Ɔte krongron!

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Ɛksadɔso 15:6

O AWURADE, wɔ sa famaa ne te ngonim ne tumi, O AWURADE, wɔ sa famaa ne dworɔm pɔfoɛ ne.

Daniel 2:20

Na Daniel sele kyɛ, “Animnyam hã Nyameɛ dumaa afebɔɔ, ofikyɛ ye yeɛ nworɛ ne tumi te ye deɛ ɔ.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Deuteronomi 28:58

“Mmeraa he anu dwirɛ mukoraati bɔ bahyerɛ ye sɔ nwomaa he anu ne, sɛ anni so nahorɛ nu, ná anzuro sɔ animnyam dumaa suronyisuronyi, bɔ ye ole AWURADE wɔ Nyameɛ ne a,

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

Maenbulɛfoɛ 13:18

Nakoso AWURADE abɔfo ne buale ye kyɛ, “Nzu ati yeɛ ebisa me dumaa ɔ? Me dumaa ne te dumaa bɔ ɔyɛ nwanwa paa ɔ.”