Nehemia 9:38 - AHYERƐLƐ KRONGRON

³⁸ “Ɔnate ɛhe amukoraa ti, yahyɛ bɔ kitii yahyerɛ yagua nwomaa so. Sɔ nwomaa ne, yɛ mbanyi mɔ, yɛ Lewifoɛ mɔ ne y’asɔfo mɔ yeɛ bafa bɛ nzɔanoɛ basɔ ye noa ɔ.

Nehemia 9:38 Iomraidhean Croise

2 Ahemvo 23:3

Nana Yosia gyinane simbini ne aso, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye dwirɛ ne ye ahyɛdeɛ so; kyɛ apam he anu dwirɛ bɔ bahyerɛ ye wɔ nwomaa he anu ne, okoli so. Na maen ne amukoraa belele apam ne bɛtole nu kyɛ bekoli so.

2 Aberɛso Dwirɛ 23:16

Yehoada yɛle apam tole ye ne maen ne amukoraa ne Nana Yoase b’afia, kyɛ odi kyɛ bɛyɛ AWURADE maen.

2 Aberɛso Dwirɛ 29:10

Afei mayɛ m’adwene kyɛ me ne AWURADE Yisrael Nyameɛ ne kɔyɛ apam, amaa ɔnate so wayakyi ye yaa piri bɔ wafɛ yɛ so ne.

2 Aberɛso Dwirɛ 34:31

Nana Yosia gyinane ye simbini ne anwo, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye noa dwirɛ ne ye ahyɛdeɛ so; kyɛ apam ne anu dwirɛ bɔ bahyerɛ ye wɔ nwomaa he anu ne, okoli so.

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Nehemia 10:1

Nwomaa ne, mmenia hemɔ yeɛ bɛfale bɛ nzɔanoɛ bɛsɔle ye noa ɔ: Hakalia awa Nehemia bɔ ɔte amrado ne, ɔne Sedekia;

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Yesaya 44:5

Sona ko kɔhã kyɛ, ‘Nde AWURADE deɛ,’ né ko wora wafa Yakob dumaa wato ye nwo; yeɛ ko koso kɔhyerɛ ye sa nwo kyɛ, ‘AWURADE deɛ ɔ,’ na ɔkɔfa Yisrael dumaa kɔsɔ ye dumaa so.”

Mateo 27:66

Yiti bɛhɔle bɛɛfale nikyee bɛtale nyɔboɛ ne noa, na bɛmane wɛmvoɛ mɔ wɛnene asieleɛ ne.