Nehemia 9:37 - AHYERƐLƐ KRONGRON

³⁷ Ahemvo mɔ bɔ ɔnate yɛ bɔne bɔ yayɔ ti amaa bali yɛ so ne, bɛ mmom yeɛ bedi aseɛ ne aso aleɛ paa ne ɔ. Bele yɛ nipadua ne y’ayɛmmoa mɔ so tumi. Bɔ bekuro yeɛ bɛfa bedi yɛ ɔ, na edwirɛ piri paa yeɛ wato yɛ ɔ.”

Nehemia 9:37 Iomraidhean Croise

Ɛsra 4:13

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de bengotua ɛtoɔ, anaa ndɔ, anaa aseɛ nwo toɔ ne. Sɛ ɔba ye sɔ a, sikaa bɔ ɔba ahemvie dɔ ne, so kɔte.

Ɛsra 6:8

Afei, bɔ ɔsɛ kyɛ ɛmɔyɔ bɛboka sɔ Yudafoɛ mbanyi nemɔ maa besa besi Nyameɛ awuro he ne, mahyɛ ye nwo mmeraa kyɛ, ahemvie fotoɛ, bɔ ɔte ɛtoɔ bɔ yɛde yɛfi asue Yufreti si mbɔtam ne, odi kyɛ ɛmɔfa betua awuro ne anwo kerɛ amukoraa bɛma bɛ ndɛndɛ.

Ɛsra 7:24

Yɛ́ma ɛmɔte kyɛ, sɛ ɛmɔde asɔfo nemɔ, anaa Lewifoɛ, anaa edweintolɛfoɛ, anaa anoa wɛmvoɛ, anaa asɔneyɛɛ sua nwo awɛmvoɛ, anaa Nyameɛ awuro he anwo somvoɛ biala toɔ, anaa ndɔ, anaa aseɛ nwo toɔ a, otia mmeraa.

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Awuye 5:5

Yɛ kɔme wura ndaneanyeɛ bo; yɛyɔ adwuma bɔ bɛmma yɛnne yɛ nwome ɔ.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Yohane 8:33

Na bebuale ye kyɛ, “Abraham bosofoɛ ole yɛ; na yɛyyɛle ebiala ngoaa le. Ɔyɛle sɛɛ bɔ ɛkã kyɛ, ‘Ɛmɔkɔyɛ nnehyeɛ ɔ?’ ”

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;

Deuteronomi 28:39

Ɛkɔyɔ bobe boo, ɛkɔbɔ ye nwo, nakoso ye nzaa ne de, ɛngɔno bie, yeɛ ye mma wora ɛngɔte bie, ofikyɛ alɔponɛ koli.

Deuteronomi 28:48

yiti wɔ pɔfoɛ mɔ bɔ AWURADE kɔsoma bɛ maa bɛkɔwa wɔ so ne, ɛkɔfa ɛhɔen ne nzuhɔen nu, wɔ nwo bɔ ɔla so nu, ɔne nningyein mukoraa bɔ okohia wɔ ɔ nu yeɛ ɛkɔso bɛ ɔ. Na AWURADE kɔfa buralɛ kɔnnua kɔto wɔ kɔme kɔpem kyɛ okohu wɔ ɔ.

Deuteronomi 28:51

Okohu wɔ nyɛmmoa mɔ koli ná wasa wali w’aseɛ so aleɛ kɔpem kyɛ ekowu ɔ. Ɔngɔma w’aburoo, nzaa, ngoo, anaa wɔ nandwie mmaa ne wɔ mmoaen mmaa ko po ngɔha, kɔpem kyɛ ɔkɔmaa ekowu ɔ.