Nehemia 9:35 - AHYERƐLƐ KRONGRON

³⁵ Mmerɛ bɔ né bɛ bɔbɔ bɛ hene mɔ di bɛ so ne po, ɔwɔ nu kyɛ ehyirele ɔdɔ kandinga hyirele bɛ, na ɛmane bɛ aseɛ kandinga bɔ ɔkye aleɛ de, nakoso banzo wɔ, yeɛ banyakyi bɛ bɔne bɔ bɛyɔ ne koso.

Nehemia 9:35 Iomraidhean Croise

Nehemia 9:25

Na bɛho bɛfale nguro bɔ bato bɛ nwo fasue ne aseɛ bɔ ɔkye aleɛ ɔ. Na bɛfale awuro mɔ bɔ nningyein paa ayi bɛ tɛkyɛ ɔ, abura mɔ bɔ batutu ɔ, bobe boo mɔ, olive boo mɔ ne mmakaa bɔ basu biribiraa ɔ bɛyɛle bɛ deɛ. Yiti bedidili ma bɛ ko yili na bɛyɛle mbiri, na wɔ paa kandinga bɔ ɛyɛle bɛ ne ati bɛgyele bɛ nye.

Nehemia 9:34

Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yeremia 5:19

Na ɔkɔwa kyɛ, sɛ wɔ mmenia nemɔ bisa kyɛ, ‘Nzu ati yeɛ AWURADE yɛ Nyameɛ wafa sɔ nningyein he amukoraa wali yɛ ne?’ a, bua bɛ kyɛ, ‘Kyɛbɔ ɛmɔapo me baaso nyameɛ foforɛ mɔ wɔ ɛmɔ maen ye anu ne, sɔ ala yeɛ ɛmɔkɔso ɛwɔfoɛ mɔ wɔ aseɛ bɔ nna ɛmɔ deɛ ahɔ ɔ so ɔ.’ ”

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Deuteronomi 28:47

“Mmerɛ bɔ enyane wɔ nwo wɔ nikyee biala nu ne, amva anigye ne adwene paa anzo AWURADE wɔ Nyameɛ,

Deuteronomi 28:48

yiti wɔ pɔfoɛ mɔ bɔ AWURADE kɔsoma bɛ maa bɛkɔwa wɔ so ne, ɛkɔfa ɛhɔen ne nzuhɔen nu, wɔ nwo bɔ ɔla so nu, ɔne nningyein mukoraa bɔ okohia wɔ ɔ nu yeɛ ɛkɔso bɛ ɔ. Na AWURADE kɔfa buralɛ kɔnnua kɔto wɔ kɔme kɔpem kyɛ okohu wɔ ɔ.

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”