Nehemia 9:34 - AHYERƐLƐ KRONGRON

³⁴ Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Nehemia 9:34 Iomraidhean Croise

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

2 Aberɛso Dwirɛ 29:6

Ofikyɛ yɛ nana mɔ banni nahorɛ bamma AWURADE, yeɛ bayɔ bɔ ɔte bɔne wɔ AWURADE yɛ Nyameɛ nyunu ɔ. Bapo AWURADE, baye bɛ nye bafi nekaa bɔ AWURADE te ne, na bakakyi bɛ si bama ye.

Ɛsra 9:10

“O afei yɛ Nyameɛ, ɛhemɔ asi ye, nzikyɛ dwirɛ bieku koraa yeɛ yɛhã ɔ? Yapo wɔ mmeraa dwirɛ

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Nehemia 9:35

Mmerɛ bɔ né bɛ bɔbɔ bɛ hene mɔ di bɛ so ne po, ɔwɔ nu kyɛ ehyirele ɔdɔ kandinga hyirele bɛ, na ɛmane bɛ aseɛ kandinga bɔ ɔkye aleɛ de, nakoso banzo wɔ, yeɛ banyakyi bɛ bɔne bɔ bɛyɔ ne koso.

Yeremia 29:19

ofikyɛ bandie me dwirɛ, AWURADE noa dwirɛ ɛne; edwirɛ bɔ ngɔle so mva nzomane me somvoɛ ngɔmhyɛlɛfoɛ maa bɛɛhã behyirele bɛ ne. Nakoso ɛmɔandie me dwirɛ, AWURADE noa dwirɛ ɛne.

Yeremia 44:17

Na mmom yɛkɔhɔ so yɛkɔyɔ nikyee biala bɔ yahã kyɛ yɛkɔyɔ ɔ: yɛkɔyera ayirefona yɛkɔma nyameɛso hemmaa, ná yabɔ anonneɛ afɔleɛ yama ye kyɛbɔ yɛ ne yɛ nana mɔ, y’ahemvo mɔ ne y’atitire mɔ yɛyɔle ye wɔ Yuda nguro ne Yerusalem mmorɔnoɛ mɔ so ne; ofikyɛ sɔ mmerɛ ne, né yɛnya aleɛ pee yɛdi, yɛnya ngɔsoɛ, na yande edwirɛ tɛɛ biala.”

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Daniel 9:6

Wɔ somvoɛ ngɔmhyɛlɛfoɛ bɔ begyinane wɔ dumaa nu bedwudwo behyirele yɛ ahemvo mɔ, yɛ atitirefoɛ, yɛ nana mɔ ne aseɛ ne aso mmenia amukoraa ne, yandie bɛ.

Deuteronomi 31:21

Na sɛ musue ne amaneɛ pee toto bɛ a, sɔ dwein he koli adanzeɛ kotia bɛ, ofikyɛ ongofi bɛ bosofoɛ ti anu. Na aseɛ bɔ ndale ndaen kyɛ ngɔfa ngɔma bɛ ne, anzana ngɔfa bɛ ngoodwu so ne po, mese porɛ horɛ bɔ kekesaala ye babɔ ye bɛ ti anu ɔ.”