Nehemia 9:33 - AHYERƐLƐ KRONGRON

³³ Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Nehemia 9:33 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Nehemia 9:34

Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

YOB NWOMAA NE 33:27

Na sɔ sona ne to dwein kyire mmenia kyɛ, ‘Nyɔle bɔne, nyɔle bɔ ɔtte mayee ɔ, nakoso wandua me so kerɛ kyɛbɔ ɔfata ɔ.

YOB NWOMAA NE 34:23

Nyameɛ nhyehyɛ mmerɛ bie ndo berɛ mma sona koraka né waagyina ye nyunu maa wabua ye ndɛen.

Edwein 106:6

Yɛne yɛ nana mɔ yayɔ bɔne; yayɔ amumuyɛɛ, na yayɔ bɔne piri.

Edwein 119:137

Ao AWURADE, ɛtengyɛ, na wɔ ndɛenbualɛ te turoloo.

Edwein 145:17

AWURADE tengyɛ wɔ bɔ ɔyɔ ɔ amukoraa nu, na ɔte krongron wɔ ye nnwumaa amukoraa nu.

Ɛksadɔso 32:31

Yiti Mose sá hɔle AWURADE berɛ, na ɔhane kyɛ, “Ao, maen he ayɔ bɔne piri paa! Bafa sikaa kɔkorɛ bayɔ nyameɛ mɔ bama bɛ nwo.

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Yeremia 44:3

ɔnate bɛ bɔne bɔ bayɔ bafa bawura me apue ne ati, ofikyɛ bɛhɔle bɛɛyerale ayirefona bɛsole nyameɛ foforɛ mɔ bɛ bɛnze bɛ ɔ: bɔ bɛ oo, ɛmɔ oo, ɛmɔ nana mɔ oo, ɛmɔnze bɛ ɔ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”