Nehemia 9:32 - AHYERƐLƐ KRONGRON

³² “Yiti afei, yɛ Nyameɛ bɔ ɛte piri bɔ wɔ nwo yɛ suro, bɔ edi apam so ná ekyire ɔdɔ bɔ onni ngasi ɔ, amaneɛ amukoraa bɔ wato yɛ ne y’ahemvo, yɛ mbanyi mɔ, y’asɔfo mɔ, yɛ ngɔmhyɛlɛfoɛ, yɛ nana mɔ, ɔne wɔ mmenia amukoraa, ofi Asiria ahemvo mɔ aberɛ so bɔ ɔbaadwu ɛnɛ ye, nnebu ye nikyee ba.

Nehemia 9:32 Iomraidhean Croise

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 17:23

kɔpem kyɛ AWURADE foane bɛ fili ye nyunu, kyɛbɔ ɔnate ye somvoɛ ngɔmhyɛlɛfoɛ amukoraa so ɔhyɛ tole berɛ ne. Yiti bɛsesale Yisraelfoɛ befili bɛ bɔbɔ b’aseɛ so bɛhɔle Asiria, na batena berɛ maa waadwu ɛnɛ.

2 Ahemvo 17:3

Asiria hene Salmanese lili Hosea so ngonim wɔ koɛ nu. Yiti Hosea ɔɔyɛle ye akoaa, na né otua toɔ ma ye.

2 Ahemvo 17:6

Hosea lili hene ne, afoɛ bɔ ɔtɔ so ngona ne anu, Asiria hene ho fale Samaria. Ɔsesale Yisraelfoɛ hɔle Asiria. Ɔfale bɛ ooguale Hala, asue Habo bɔ ɔla Gosan ne anoa, ɔne Medese nguro nemɔ aso.

2 Ahemvo 23:29

Ye aberɛ so, Misraim hene Faro Neko hɔle ɔɔbokale Asiria hene wɔ koɛ nu wɔ asue Yufreti nwo. Nana Yosia fale koɛ ɔɔtoale Faro Neko. Nakoso Faro Neko yiale Yosia wɔ Megido ne, ohuni Yosia.

2 Ahemvo 25:7

Behuhuni Sedekia mma mmienzua bɔ ye bɔbɔ ye nye tua ɔ, na betutuli Sedekia nye. Beguale ye ngɔnzɔngɔnzɔ bɛfale ye bɛhɔle Babilɔn.

Ɛsra 4:10

maen maen ngaa bɔ katakyie Asabanipal bɔ wale dumaa ne ɔhyele bɛ nnure ɔɔsoale bɛ guale Samaria nguro nemɔ aso, ɔne asue Yufreti si dɔ mbɔtam ngaa nemɔ.

Ɛsra 4:2

Yiti bɛhɔle Serubabɛl ne mmusua mbanyi nemɔ berɛ beesele bɛ kyɛ, “Yɛbaaboka ɛmɔ so maa yɛsi sua ne, ofikyɛ ɛmɔ Nyameɛ bɔ ɛmɔsɔne ye ne, ye yeɛ yɛ koso yɛsɔne ye ɔ. Na yabɔ afɔleɛ yama ye alaa, fite Asiria hene Esa Hadon bɔ ɔfale yɛ wale wa ne aberɛ so.”

Ɛsra 9:13

Yɛ bɔne ne y’amumuyɛɛ kandinga ne ati yeɛ ɛhemɔ atoto yɛ ɔ. Nakoso ɛhe asi ye po, wɔ, yɛ Nyameɛ, y’amumuyɛɛ nwo asohwenɛ bɔ afa ama yɛ ne ɔte kãa, na ama yɛ ngaa ne yanya yɛ ti yadidi nu.

Nehemia 1:5

Na ngane kyɛ, “Ao AWURADE, nyameɛso Nyameɛ, Nyameɛ piri bɔ wɔ nwo yɛ suro bɔ edi apam so ná ɛye ɔdɔ bɔ onni ngasi ali kyire bɛ bɔ bekuro wɔ dwirɛ ná bedi wɔ mmeraa dwirɛ ne aso ne,

Edwein 47:2

Ofikyɛ AWURADE, Anwuro Anwuro Nyameɛ ne, ye nwo yɛ suro, ɔte ɛhene piri bɔ odi wiase amukoraa so ɔ.

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Edwein 66:5

Ɛmɔbra bɛɛnea bɔ AWURADE ayɔ ɔ: ye nnwumaa bɔ ɔyɔ ye adasa mmaa nu ne, ɔyɛ suro.

Ɛksadɔso 18:8

Na Mose fale ɛhemɔ nwo amaneɛ bɔle ye sia bienzua ne: nningyein mukoraa bɔ ɔnate Yisrael ti AWURADE afa ayɔ Faro ne Misraimfoɛ, ɔne amaneɛ mukoraa bɔ Yisraelfoɛ nwuni ye wɔ atunu, yeɛ afei kyɛbɔ AWURADE si yele bɛ fili nu ɔ.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Daniel 9:6

Wɔ somvoɛ ngɔmhyɛlɛfoɛ bɔ begyinane wɔ dumaa nu bedwudwo behyirele yɛ ahemvo mɔ, yɛ atitirefoɛ, yɛ nana mɔ ne aseɛ ne aso mmenia amukoraa ne, yandie bɛ.

Daniel 9:8

O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.

Lewitikɔso 26:18

Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Lewitikɔso 26:21

“Sɛ ɛmɔkɔso bedwɔso betia me, na ɛmɔandie me dwirɛ a, ɔnate ɛmɔ bɔne ti, ngɔhɔ so ngɔfa amaneɛ piri ngɔto ɛmɔ so pɛen nzoo.

Lewitikɔso 26:24

ye de me koso ngɔhɔ so ngodwɔso ngotia ɛmɔ, ná ɔnate ɛmɔ bɔne ti, mahwe ɛmɔ so pɛen nzoo.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Deuteronomi 7:12

“Na sɛ ɛmɔyɛ asoɛ betie sɔ nhyehyɛleɛ hemɔ, ná ɛmɔdi so pɛpɛɛpɛ a, ye de adɔeɛ apam bɔ AWURADE wɔ Nyameɛ tale ye nwo ndaen hyirele wɔ nana mɔ ne, AWURADE koli so kɔma wɔ.

Deuteronomi 7:13

Okohuro wɔ dwirɛ, okoyira wɔ, na ɔkɔma wɔ boso kɔta pee. Okoyira wɔ kunu mmaa, w’aseɛ so aleɛ, w’aburoo ne wɔ nzaa ne wɔ ngoo, wɔ nandwie ne wɔ mmoaen kɔta pee; wɔ aseɛ bɔ ɔtale ye nwo ndaen hyirele wɔ nana mɔ kyɛ ɔkɔfa kɔma wɔ ne aso.

Deuteronomi 7:21

Nnɛma bɛ nwo suronyi tɔ wɔ so, ofikyɛ AWURADE wɔ Nyameɛ bɔ ogyi wɔ si ne, ɔte Nyameɛ bɔ ɔte piri, bɔ ye nwo yɛ suro ɔ.

Deuteronomi 7:9

Yiti ɔsɛ kyɛ enwu ye kyɛ, AWURADE wɔ Nyameɛ ne, ye ole Nyameɛ; Nyameɛ nahorɛlilɛniɛ bɔ odi ye adɔeɛ apam so ma mmenia bɔ bekuro ye dwirɛ ná bedi ye mmeraa dwirɛ so ɔ, kodwu aworɛ ndoatoasoɛ apee so.