Nehemia 9:31 - AHYERƐLƐ KRONGRON

³¹ Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

Nehemia 9:31 Iomraidhean Croise

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

2 Aberɛso Dwirɛ 30:9

Ofikyɛ sɛ ɛmɔsa bɛbadi AWURADE si a, bɛ bɔ bahye ɛmɔ aliɛma ne ɛmɔ mma mɔ nnure ne, bekonwu bɛ anwumvoin bɛkɔyakyi bɛ maa bekosa bɛkɔwa aseɛ ye aso. Ofikyɛ AWURADE ɛmɔ Nyameɛ ne, ɔdo mmenia na ɔse anwumvoin. Sɛ ɛmɔsa bɛba ye berɛ a, ongoli ɛmɔ ngasi.”

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Yesaya 48:9

“Me dumaa ne ati, mafa me yaafɛlɛ ne makongɔm berɛ, na m’ayɛyelɛ ne ati, manya wɔ nwo aboterɛ, amaa ɔnate so mannua wɔ boso.

Yeremia 4:27

Ofikyɛ AWURADE nwa nyoo: “Aseɛ ne amukoraa kɔkakyi kurofoen, nakoso mengonua bɛ boso bɔkɔɔ.

Yeremia 5:10

“Ɛ́mɔfo bɛhɔ ye bobe boo nemɔ anu bɛɛsɛkye bɛ, nakoso nnɛma ɛmɔsɛkye ye mukoraa bɔkɔɔ; ɛ́mɔpomba ye maen nemɔ, ofikyɛ nna AWURADE deɛ ɔ.

Yeremia 5:18

“Nakoso AWURADE nwa nyoo: Sɔ mmerɛ nemɔ anu po, mengonua ɛmɔ boso bɔkɔɔ.

Awuye 3:22

AWURADE adaworoma yeɛ yɛ boso wannua ɔ, ofikyɛ ye anwumvoinnwunɛ ye bo ngɔpɛ le.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.