Nehemia 9:30 - AHYERƐLƐ KRONGRON

³⁰ Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Nehemia 9:30 Iomraidhean Croise

2 Ahemvo 18:11

Asiria hene soale Yisraelfoɛ hɔle Asiria, na ɔmaa bɛɛtenane Hala, asue Habo bɔ ɔla Gosan ne anoa, ɔne Medese nguro nemɔ aso.

2 Ahemvo 21:10

AWURADE nate ye somvoɛ ngɔmhyɛlɛfoɛ nemɔ aso hane kyɛ,

2 Aberɛso Dwirɛ 24:19

Nakoso AWURADE somane ngɔmhyɛlɛfoɛ maa besele bɛ kyɛ besa bɛbra ye berɛ. Bɛbɔle Yudafoɛ kɔkɔ, nakoso bandɛ so.

Ɛsra 9:10

“O afei yɛ Nyameɛ, ɛhemɔ asi ye, nzikyɛ dwirɛ bieku koraa yeɛ yɛhã ɔ? Yapo wɔ mmeraa dwirɛ

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Nehemia 9:29

Na ɛbɔle bɛ kɔkɔ bɔ ɔnate so bekosa bekooli wɔ mmeraa ne aso ɔ. Nakoso bɛyɛle anwomasoɛ, yeɛ banni wɔ mmeraa dwirɛ so, na mmom wɔ nhyehyɛleɛ bɔ sona di so a onya ngoa ne, bɛyɔle bɔne bebuli so. Bɛpemone b’awaen beguale wɔ so, bɛsoale bɛ kɔm so kyeinn, na bandie wɔ dwirɛ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Yesaya 28:10

Ofikyɛ ahyɛdeɛ tia ahyɛdeɛ, ahyɛdeɛ tia ahyɛdeɛ, edwirɛ tia edwirɛ, edwirɛ tia edwirɛ, ɛwa kãa, yeɛ dɔ kãa”

Yesaya 42:24

Nwa yeɛ ɔfale Yakob wurale apaabɔlɛfoɛ mɔ bɛ sa, ná ɔfale Yisrael wurale awerɔm awuefoɛ bɛ sa ɔ? AWURADE bɔ yayɔ bɔne yatia ye, bɔ bamva ye atee so, bɔ banni ye mmeraa so ne, aso nna ye ɔ?

Yesaya 48:9

“Me dumaa ne ati, mafa me yaafɛlɛ ne makongɔm berɛ, na m’ayɛyelɛ ne ati, manya wɔ nwo aboterɛ, amaa ɔnate so mannua wɔ boso.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 25:4

Na ɔwɔ nu kyɛ AWURADE hɔle so somane ye somvoɛ ngɔmhyɛlɛfoɛ amukoraa maa bɛwale ɛmɔ berɛ de, nakoso ɛmɔandie, yeɛ ɛmɔanyɛ asoɛ bandie.

Yeremia 44:22

AWURADE wangora wammu ye nye wangua ɛmɔ bɔne yɔleɛ, ɔne akyiwadeɛ bɔ ɛmɔyɔle ne aso. Yiti ɛmɔ maen akakyi kurofoen, anwodwiri nikye ɔne ɛnomalɛ nikye bɔ sona fee ɔtte so ɔ, kyɛbɔ ɔte ɛnɛ ye.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Yeremia 44:5

Nakoso bandie, yeɛ banyɛ asoɛ bamma me kyɛ bɛkɔsakyera b’adwene bekofi bɛ bɔne nwo, ɔne kyɛ bɛngɔyera ɛyɛɛ bɛngɔma nyameɛ foforɛ mɔ ɔ.

Yeremia 7:25

Ofi kyẽa bɔ ɛmɔ nana mɔ befili Misraim aseɛ so bɛwale bɔ ɔbaadwu ɛnɛ ɔ, mahɔ so masoma me somvoɛ ngɔmhyɛlɛfoɛ amukoraa dee wɔ ɛmɔ berɛ,

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Daniel 9:6

Wɔ somvoɛ ngɔmhyɛlɛfoɛ bɔ begyinane wɔ dumaa nu bedwudwo behyirele yɛ ahemvo mɔ, yɛ atitirefoɛ, yɛ nana mɔ ne aseɛ ne aso mmenia amukoraa ne, yandie bɛ.

Sakaria 7:12

Bɛyɛle bɛ so serɛ kyɛ twerɛboɛ, kyɛbɔ ɔkɔyɛ bɔ bɛngɔte mmeraa ne ne edwirɛ bɔ Asafo AWURADE nate ye Sunzum so mane daa ngɔmhyɛlɛfoɛ nemɔ bɛbɔle ye dawure ne ɔ. Yiti Asafo AWURADE ahone huli piri paa.

Sakaria 7:13

Na kyɛbɔ ɔfrɛle ná bandie ne, sɔ ala yeɛ bɛfrɛle bɔ me koso mandie ɔ, Asafo AWURADE noa dwirɛ ɛne.

Numeri 11:26

Mmienzua nyɔ hale asikyeleɛ ne anu. Bɛfrɛ ko Eldade, yeɛ bɛfrɛ ko koso Medade. Sunzum ne wale bɛ so. Né bɛboka mbanyi bɔ Mose yele bɛ ne aso de, nakoso bamma ɛtena sua ne anwo dɔ bie, yiti bɛhyɛle ngɔm wɔ asikyeleɛ ne anu.

Asomafoɛ 13:18

na ɔneane bɛ so kɔyɛ afoɛ aburanna wɔ ɛserɛ so.

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.