Nehemia 9:28 - AHYERƐLƐ KRONGRON

²⁸ Nakoso bɛ nwo tɔle bɛ ne, besa bɛyɔle bɔne betiale wɔ, na ɛfale bɛ wurale bɛ pɔfoɛ mɔ sa maa belili bɛ so. Na bɛsesane b’adwene besa besu bɛfrɛle wɔ ne, etiele bɛ fili nyameɛso, na kyɛbɔ w’anwumvoinnwunɛ te ne, ɛpepɛ lele bɛ mmerɛ pee.

Nehemia 9:28 Iomraidhean Croise

1 Ahemvo 8:39

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

Edwein 106:42

Bɛ pɔfoɛ mɔ hyɛle bɛ so, na belili bɛ so tumi maa bewurale bɛ bo.

Edwein 136:24

na ɔpepɛ lele yɛ fili yɛ pɔfoɛ mɔ sa nu, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Maenbulɛfoɛ 2:19

Nakoso sɛ sɔ maenbulɛniɛ ne wu pɛ, né basa bɛ si baabɔ bra tɛɛ bɔ ɔtra bɛ nana mɔ deɛ ne ɔ. Bekodi nyameɛ foforɛ mɔ si, bɛso bɛ ná bɛkoto bɛ. Bɛnyakyi bɛ yɔleɛ tɛɛ anaa b’asoserɛ ne anu biala.

Maenbulɛfoɛ 3:30

Yiti sɔ kyẽa ne, Moabo lili ngoguo wɔ Yisrael sa nu. Na asomdwee wale aseɛ ne aso afoɛ aburawɔtwɛ.

Maenbulɛfoɛ 4:1

Ehude wue asi ne, Yisraelfoɛ sa yɔle bɔ ɔte bɔne wɔ AWURADE nyunu ɔ.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.