Nehemia 9:27 - AHYERƐLƐ KRONGRON

²⁷ Yiti ɛfale Yisraelfoɛ wurale bɛ pɔfoɛ mɔ sa maa bɛhyɛle bɛ so. Na b’amaneɛnwunɛ nu ne, besu bɛfrɛle wɔ, na etiele bɛ mbaeɛ fili nyameɛso. Na kyɛbɔ w’anwumvoinnwunɛ piri ne te ne, ɛyele defoɛ mɔ mane bɛ maa bɛpepɛ belele bɛ befili bɛ pɔfoɛ mɔ sa nu.

Nehemia 9:27 Iomraidhean Croise

2 Ahemvo 13:5

Yiti AWURADE yele defoɛ mane Yisrael, maa ɔnate so benyane bɛ fawɔnwodi befili Siriafoɛ sa nu, na Yisraelfoɛ bɛtenane bɛ bɔbɔ b’awuro kyɛ daa ne ala.

2 Ahemvo 14:27

Nakoso né AWURADE ɔhhane kyɛ okonua Yisrael dumaa bo kofi wiase, yiti ɔfale Yoase awa Yeroboam so ɔpepɛ lele bɛ.

2 Ahemvo 17:20

AWURADE pole Yisrael boso ama amukoraa. Ɔhwene bɛ so fale bɛ wurale apaabɔlɛfoɛ mɔ sa, kɔpem kyɛ ɔfoane bɛ fili ye nyunu ɔ.

2 Ahemvo 17:39

na mmom odi kyɛ ɛmɔsɔne AWURADE ɛmɔ Nyameɛ, na okole ɛmɔ kofi ɛmɔ pɔfoɛ amukoraa bɛ sa nu.”

2 Aberɛso Dwirɛ 36:17

Yiti Nyameɛ mane Babilɔn hene fale koɛ ɔɔtoale bɛ, na ɔfale ngrandɛ huhuni bɛ mmerandeɛ mɔ wɔ bɛ nekaa krongron awuro berɛ. Babilɔn hene wannwu aberandeɛ anaa taluwa, aworowaa anaa yarefoɛ biala anwumvoin, na Nyameɛ fale bɛ mukoraa wurale ye sa.

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 136:24

na ɔpepɛ lele yɛ fili yɛ pɔfoɛ mɔ sa nu, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.