Nehemia 9:25 - AHYERƐLƐ KRONGRON

²⁵ Na bɛho bɛfale nguro bɔ bato bɛ nwo fasue ne aseɛ bɔ ɔkye aleɛ ɔ. Na bɛfale awuro mɔ bɔ nningyein paa ayi bɛ tɛkyɛ ɔ, abura mɔ bɔ batutu ɔ, bobe boo mɔ, olive boo mɔ ne mmakaa bɔ basu biribiraa ɔ bɛyɛle bɛ deɛ. Yiti bedidili ma bɛ ko yili na bɛyɛle mbiri, na wɔ paa kandinga bɔ ɛyɛle bɛ ne ati bɛgyele bɛ nye.

Nehemia 9:25 Iomraidhean Croise

1 Ahemvo 14:9

Na mmom bɛ bɔ belili wɔ nyunu bebuli maen ne, ali bɔne atra bɛ mukoraa. Ɔnate kyɛ ayɔ nyameɛ foforɛ mɔ afa, agyina amoen afa awura me apue, ná apo me ne ati,

1 Ahemvo 8:66

Ye ɛlɛbɔtwɛ ne aso, Solomon tuli mmenia ne apo maa ebiala hɔle. Bɛlale Solomon ase, na ebiala hɔle ye awuro. Bele anigye ne aworakyekyerɛ yeɛ bɛhɔle ɔ, ɔnate paa bɔ AWURADE ayɔ ama ye akoaa Dawide ɔne ye maen Yisrael ne ati.

Nehemia 9:35

Mmerɛ bɔ né bɛ bɔbɔ bɛ hene mɔ di bɛ so ne po, ɔwɔ nu kyɛ ehyirele ɔdɔ kandinga hyirele bɛ, na ɛmane bɛ aseɛ kandinga bɔ ɔkye aleɛ de, nakoso banzo wɔ, yeɛ banyakyi bɛ bɔne bɔ bɛyɔ ne koso.

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 65:11

Sɛ afoɛ ne ba ayieleɛ a, ɛma bɛ sa noa adwuma yɛ yé, na nekaa bɔ ɛkɔpɛ nu ne, né aleɛ poroporo gua.

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yeremia 2:7

Mvale ɛmɔ mmale aseɛ bɔ ɔkye aleɛ ɔ so, kyɛ ɛmɔli so aleɛ ne so nningyein paa nemɔ. Nakoso ɛmɔdwuli m’aseɛ ne aso ne, ɛmɔfale efiɛ bɛhane ye, ná ɛmɔmane m’agyapadeɛ yɛle akyiwadeɛ.

Yeremia 31:14

Ngɔfa aleɛ fɛɛ ngɔma asɔfo nemɔ bɛ kra ko koyi, na me maen konya me nningyein paa kɔma bɛ ko koyi, AWURADE noa dwirɛ ɛne.”

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Daniel 11:24

Mvum nu, ɔkɔwa aseɛ ne aso nekaa mɔ bɔ aseɛ ne kye aleɛ ɔ, na ɔkɔyɔ bɔ ye baba mɔ ne ye nana mɔ banyɔ ye le ɔ. Ɔkɔhyɛ koɛ nu nningyein, koɛ nu nzesadeɛ ne anwodeɛ kɔma ye mmenia. Ɔkɔbɔ anwoserɛ afealeɛ mɔ nwo porɛ, nakoso ɛhe kɔhɔ so mmerɛ kãa bie.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Deuteronomi 3:5

Né bato fasue tendetende bafa sɔ nguro nemɔ amukoraa nwo bayia, na né bafa mmuralɛ babeabea bɛ pambim nyɔ nemɔ asi. Né namue pee koso bɔ fasue nne bɛ nwo ɔ wɔ berɛ.

Deuteronomi 32:13

Ɔbɔle ye atenaseɛ wɔ aseɛ ne aso mmokaa so, na ɔmane ye aseɛ ne aso aleɛ maa olili; ɔmane ye nyɔbotaen nu woɛ maa olili, ɔne nyɔboɛ aseɛ so olive ngoo,

Deuteronomi 32:14

ɔmane ye nandwie nyɔfonesue nye loe, ɔne boaen nyɔfonesue, mmoaen bɔ balɔ ɔ, Basan mmoaen nyii ne mbɔngye; ɔne atokoɔ paa, na ɛnone bobe mmaa nzaa bɔ bahwi ye gyengɔgyengɔ ɔ.

Deuteronomi 32:15

“Yakob didili mane ye ko yili, Yesurun yɛle branoa, na ɔyɛle lɔen. Ɛyɛle twɔtwɔfee, ɛyɛle piri bɔ ɛpakye ɔ. Afei ɔyakyili Nyameɛ bɔ ɔbɔle ye ne si lilɛ, na ɔpole Nyɔbotaen bɔ ɔte ye ngoalelɛ ne.