Nehemia 9:22 - AHYERƐLƐ KRONGRON

²² Ɛfale ahennie ne maen maen mɔ mane bɛ, na ɛmane wɔ mmenia tenane aseɛ ne aso nekaa biala, maa ɔnate so bɛho bɛfale Hesebon hene Sihon aseɛ ne, yeɛ Basan hene Ogo aseɛ ne.

Nehemia 9:22 Iomraidhean Croise

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 78:65

Yeɛ AWURADE dwɔsole kyɛ sona bɔ ofi nnaa nu ɔ, kyɛ anwoserɛniɛ bɔ nzaa maa ɔteatea nu ɔ.

Yeremia 27:5

“Me yeɛ mvale me tumi piri ne me tumi asaa mmɔle aseɛ, so mmenia ne so ngaka ɔ, na mefa mema ebiala bɔ me bɔbɔ mekuro ɔ.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Deuteronomi 1:4

Na sɔ mmerɛ ne, Amorifoɛ hene Sihon bɔ né odi hene Hesebon ne, ɔne Basan hene Ogo bɔ né odi hene Astarote ne Yedrei ne, né wali moa wali bɛ so ngonim.

Deuteronomi 32:26

Ngane kyɛ, “Ngɔmaa bɛkɔbɔ aya bɛkɔhɔ dedeede, ná mama bɛ nwo ngayeɛ afi mmenia ti anu koraa.”

Deuteronomi 4:46

wɔ asue Yɔɔdan si, bɔnza ne anu, wɔ Bete Peɔ ndendeneɛ so, wɔ Amorifoɛ hene Sihon bɔ né odi hene wɔ Hesebon n’aseɛ so. Ye yeɛ Mose ne Yisraelfoɛ lili ye so ngonim wɔ mmerɛ bɔ befili Misraim bɛwale ne ɔ.

Deuteronomi 4:47

Bɛfale ye aseɛ ne, ɔne Basan hene Ogo aseɛ ne. Sɔ Amorifoɛ hene nyɔ ne, né bedi hene wɔ asue Yɔɔdan eyia afiteleɛ;

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.