Nehemia 9:2 - AHYERƐLƐ KRONGRON

² Na Yisraelfoɛ ne, bɛhwene bɛ nwo befili amanvrafoɛ amukoraa anwo, na begyinane bɛ gya so bɛhane bɛ bɔne ne bɛ nana mɔ b’amumuyɛɛ.

Nehemia 9:2 Iomraidhean Croise

1 Ahemvo 8:47

nakoso sɛ bɛ nye ba bɛ nwo so wɔ aseɛ bɔ bahye bɛ nnure bahɔ so ne aso, benu bɛ nwo, ná besu bɛfrɛ wɔ wɔ mmenia bɔ baali bɛ sa nu ne b’aseɛ so kyɛ, ‘Yayɔ bɔne, yayɔ mvomsoɛ; yayɔ amumuyɛɛ’ɛ

Ɛsra 10:11

Yiti odi kyɛ ɛmɔde ɛmɔ bɔne bɛto nu bekyire AWURADE ɛmɔ nana mɔ Nyameɛ ne, ná ɛmɔyɔ bɔ ɔsɔ ye nye ɔ. Ɛmɔhwe ɛmɔ nwo befi aseɛ ne aso mmenia nwo, ɔne Amaenmaensofoɛ mmrasua nwo.”

Ɛsra 6:21

Yisraelfoɛ bɔ befili nnurehyelɛ nu bɛwale ne, bɛ ne ebiala bɔ ɔwɔ maen ne anu, bɔ waaboka Yisraelfoɛ so ɔne bɛ bate bɛ nwo bafi Amaenmaensofoɛ yɔleɛ fiɛ nwo, kyɛ bɛkɔso AWURADE Yisrael Nyameɛ ne, bɛ yeɛ belili Abɔtra boaen ne ɔ.

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Ɛsra 9:2

Ofikyɛ bagyigya bɛ mma mmrasua nemɔ bie, yeɛ bagyigya bie koso bama bɛ mma mmienzua mɔ. Ɔnate sɔ ati, mmenia krongron mɔ ne aseɛ nemɔ so ama bali afra. Na mbɔtam mbanyi ne mbanyi bɔ bɛla yɛ noa nemɔ po yeɛ bapɛ sɔ esaa tɛɛ ne bato berɛ ɔ.”

Nehemia 1:6

mesrɛ wɔ, yɛ asoɛ tie, ná fa wɔ nye nea, amaa ate w’akoaa me mbaeɛ bɔ mebɔ wɔ wɔ nyunu kekesaala ye mema wɔ ngoaa Yisraelfoɛ eyia ne kɔngɔen ne. Afei, Yisraelfoɛ, yɛ bɔne bɔ yayɔ yatia wɔ ne, mekã mekyire wɔ. Me ne me baba awuro ama amukoraa, nahorɛ nu, yayɔ bɔne.

Nehemia 10:28

Maen ne ngaa ne, asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ nemɔ, asɔneyɛɛ sua nu somvoɛ nemɔ, ɔne ebiala bɔ wahwe ye nwo wafi aseɛ ne aso ama nwo kyɛ okoli Nyameɛ mmeraa so ne, bɛ ne bɛ ye mɔ, bɛ mma mmienzua, bɛ mma mmrasua, ɔne ebiala bɔ ole nimdeɛ ne nworɛ ɔ,

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 13:3

Na maen ne tele mmeraa ne anu dwirɛ ne, betuli amanvrafoɛ amukoraa befili Yisrael.

Nehemia 13:30

Yiti mbetene bɛ nwo mvili amanvrafoɛ nningyein biala anwo, na asɔfo ne Lewifoɛ nemɔ, mvale ebiala adwuma nwurale ye sa,

Edwein 144:11

Pepɛ de me, ná de me fi ɛwɔfoɛ mma mɔ sa nu, bɛ yeɛ bɛ noa kekã edwirɛ mbaen mbaen, ná bɛ sa famaa te ngondombo asaa ɔ.

Edwein 144:7

Tengyɛ wɔ sa fi anwuro dɔ; maa nya me ti nnidi nu, ná pepɛ de me fi asue mbiri nu, fi amanvrafoɛ bɛ sa nu.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Yesaya 2:6

Amba, apo wɔ mmenia, Yakob boso ama nemɔ, ofikyɛ eyia afiteleɛ ahɔmeɛ bɛ ne Filisti ngonyaayelɛfoɛ bayi maen ne anu tɛkyɛ, na Yakob boso ama nemɔ, bɛ ne maen maen mɔ nu ama yeɛ bɛbɔ afɛ ɔ.

Yeremia 14:20

Ao AWURADE, yɛde yɛ bɔne yɛto nu, yeɛ yɛde yɛ nana mɔ b’amumuyɛɛ yɛto nu, ofikyɛ yayɔ bɔne yatia wɔ.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Hosea 5:7

Banni nahorɛ bamma AWURADE, ofikyɛ bawowo somaa mmaa. Bosome foforɛ ne kɔsɛkye bɛ ne bɛ boo mɔ.