Nehemia 9:19 - AHYERƐLƐ KRONGRON

¹⁹ ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Nehemia 9:19 Iomraidhean Croise

Nehemia 9:12

Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Nehemia 9:27

Yiti ɛfale Yisraelfoɛ wurale bɛ pɔfoɛ mɔ sa maa bɛhyɛle bɛ so. Na b’amaneɛnwunɛ nu ne, besu bɛfrɛle wɔ, na etiele bɛ mbaeɛ fili nyameɛso. Na kyɛbɔ w’anwumvoinnwunɛ piri ne te ne, ɛyele defoɛ mɔ mane bɛ maa bɛpepɛ belele bɛ befili bɛ pɔfoɛ mɔ sa nu.

Nehemia 9:31

Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 136:16

ye bɔ olili ye maen nyunu fale ɛserɛ ne aso ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Ɛksadɔso 40:36

Na Yisraelfoɛ ateetulɛ ne anu amukoraa, sɛ munungum ne fi nyianu sua ne aso ɔkɔ anwuro a, né bɛ koso batu bɛ bo bahɔ moa;

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Yesaya 44:21

O Yakob ne Yisrael, kaye sɔ dwirɛ hemɔ, ofikyɛ ɛte me somvoɛ; me yeɛ nwone wɔ ɔ, ɛte me somvoɛ. O Yisrael, me wora ngofi wɔ.

Awuye 3:22

AWURADE adaworoma yeɛ yɛ boso wannua ɔ, ofikyɛ ye anwumvoinnwunɛ ye bo ngɔpɛ le.

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Hesekiel 20:17

Nakoso nwuni bɛ anwumvoin, bɔ mangũkũ bɛ, anaa mannua bɛ boso wɔ ɛserɛ ne aso ɔ.

Hesekiel 20:22

Nakoso ɔnate me dumaa ti, ndwe nzale; nyɔle sɔ, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nyunu yeɛ nyele bɛ mvili berɛ male ne.

Daniel 9:18

O me Nyameɛ, yɛ asoɛ tie, bukye wɔ nye ná nea amaneɛ bɔ wato yɛ ne kuro bɔ wɔ dumaa la so ne; ofikyɛ nna yɛ tenenee so yeɛ yɛgyi bɔ yɛfa yɛ sufrɛ yɛto wɔ nyunu ɔ, na mmom w’anwumvoinnwunɛ piri ne ati ɔ.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Numeri 14:14

na bɛkɔhã bekohyire aseɛ ye aso ama. Bate ye kyɛ wɔ AWURADE ɛne mmenia hemɔ yeɛ bɛnate ɔ; ofikyɛ wɔ AWURADE, bɛ nye bɔ wɔ nyunu, na wɔ munungum mundu bɛ so. Ɛfa munungum ningɔnn nu edi bɛ nyunu eyia, yeɛ kɔngɔen ɛfa see ningɔnn nu edi bɛ nyunu.

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.