Nehemia 9:17 - AHYERƐLƐ KRONGRON

¹⁷ Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Nehemia 9:17 Iomraidhean Croise

1 Ahemvo 6:13

Me ne Yisraelfoɛ kɔtena, na mengɔyakyi me mmenia Yisraelfoɛ bɛ nu.”

1 Ahemvo 8:57

Mesrɛ kyɛ AWURADE yɛ Nyameɛ ogyina yɛ si, kyɛbɔ ogyinane yɛ nana mɔ si ne. Nnɛmaa ɔyakyi yɛ nu, anaa ɔye ye sa fi yɛ bo.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Nehemia 9:31

Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 106:7

Yɛ nana mɔ, mmerɛ bɔ né bɛwɔ Misraim ne, bande w’anwanwadeɛ nemɔ abo, yeɛ bangaye wɔ ɔdɔ kandinga bɔ onni ngasi ne, na mmom bɛyɛle Anwuro Anwuro Nyameɛ ne aso lɔen wɔ Ɛpo Kɔkorɛ ne anwo.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 78:10

Banni Nyameɛ apam ne aso, yeɛ bɛyɛle b’adwene kyɛ bengoli mmeraa ne aso.

Edwein 78:11

Bɛmane bɛ wora fili bɔ wayɔ ɔ, ɔne anwanwadeɛ mɔ bɔ wala ye ali wahyire bɛ ɔ.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Ɛksadɔso 32:9

Na AWURADE sele Mose kyɛ, “Manwu sɔ mmenia hemɔ, na bɛte asoserɛfoɛ mmenia.

Anyandera 1:24

Na ɔnate kyɛ ndeane nu mvrɛle, ná ɛmɔammua me, mabɔ ɛmɔ ba, ná ebiala andɛ me so,

Yeremia 18:15

Nakoso me maen de, ye wora afi me, bɛyera ɛyɛɛ mɔ bɛma mmosoen mbaen mbaen mɔ; bamaa basoti wɔ b’atee mɔ so, bafi atimbire daa nemɔ aso, bafa makyebu atee mɔ so, bɔ nna atimbire ahɔ ɔ.

Yeremia 19:15

“Bɔ Asafo AWURADE Yisrael Nyameɛ kã ɛhe: Tie, musue bɔ ngane kyɛ ngɔprapra ngogua kuro ye ne ye nwo nguro amukoraa so ne, ngɔmaa ɔkɔwa bɛ so, ɔnate kyɛ basoa bɛ kɔme so kyeinn bɔ bandie me dwirɛ ɔ.”

Yeremia 7:26

nakoso bandie me dwirɛ, yeɛ bandɛ me so, na mmom bɛsoale bɛ kɔme so kyeinn. Bɛyɔle bɔ ɔtte mayee bɛtrale bɛ nana mɔ.

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Lewitikɔso 26:44

Nakoso ɛhe amukoraa asi ye, sɛ bɛwɔ bɛ pɔfoɛ mɔ aseɛ so po a, mengɔpo bɛ, yeɛ mengɔpɔ bɛ bɔ ɔkɔmaa bɛ boso konua, bɔ ɔkɔmaa ngɔsɛkye apam bɔ ɔla me ne b’afia ne ɔ; ofikyɛ me ole AWURADE bɛ Nyameɛ.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:41

Nakoso Mose sele kye, “Nzu ati yeɛ ɛmɔtɛbu AWURADE mmeraa dwirɛ so ye? Sɔ ngɔboka ɛmɔ.

Numeri 16:14

Wala ali pefee kyɛ nna aseɛ bɔ nyɔfonesue ne woɛ tengyɛ wɔ so ɔ so yeɛ afa yɛ awa ɔ, yeɛ ɛmma yɛnnyane agyapadeɛ bɔ ɔte aseɛ ne bobe boo ɔ. Nna ɛlakalɛ yeɛ ɛlakalaka mmenia ye ɔ? Yɛngɔwa!”

Asomafoɛ 7:39

“Nakoso yɛ nana mɔ andie Mose, behwi bɛfale ye dwirɛ so, na ɔhale bɛ ngome a, ahaa né bɛwɔ Misraim.

Romanfoɛ 9:15

Ofikyɛ ɔhã hyirele Mose kyɛ, “Bɔ ngonwu ye anwumvo ne yeɛ ngonwu ye anwumvoin ɔ, yeɛ bɔ ye nwo kɔyɛ me aworabɔ ne yeɛ ye nwo kɔyɛ me aworabɔ ɔ.”

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.