Nehemia 9:15 - AHYERƐLƐ KRONGRON

¹⁵ Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Nehemia 9:15 Iomraidhean Croise

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 114:8

ye bɔ ɔmane nyɔbotaen ne kakyili ɛkwaa, ná ɔmane twerɛboɛ ne kakyili mbombonzue ne.

Ɛksadɔso 16:4

Na AWURADE sele Mose kyɛ, “Ɛ́mɔtie, ngɔma aleɛ kɔtɔ kofi anwuro kogua ase kɔma ɛmɔ. Ɛlɛho biala mmenia ne kofite kɔɔsesa bɔ ɔkɔso bɛ di sɔ kyẽa ne ɔ. Na ɛhe kɔmaa ngonwu ye sɛ bekoli me mmeraa so anaakyɛ bengoli so a.

Ɛksadɔso 17:3

Nakoso nzuhɔen huni mmenia ne wɔ berɛ, na bɛpenepenene bɛ komvi beguale Mose so. Bɛhane kyɛ, “Nzu ati yeɛ ɛɛyele yɛ fili Misraim ɔ, kyɛ ɛbaama nzuhɔen ku yɛ ne yɛ mma ne yɛ ngaka ɔ?”

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Yesaya 48:21

Olili bɛ nyunu fale ɛserɛ so ne, nzuhɔen angu bɛ, ɔmane nzue pu fili nyɔbotaen ne anu mane bɛ, odwale nyɔbotaen ne anu, na nzue tengyɛ fili nu.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Deuteronomi 1:21

Tie, AWURADE wɔ Nyameɛ afa aseɛ ne wama wɔ. Kɔ ná kɔfa tena so, kyɛbɔ AWURADE wɔ nana mɔ Nyameɛ wahyɛ wɔ bɔ ne. Nnɛsuro, yeɛ nnɛma wɔ kunu tete wɔ.

Deuteronomi 1:8

Tie! Aseɛ bɔ maye masie berɛ mama ɛmɔ ne yeɛ ɔla ɛmɔ nyunu dɔ ne. Yiti ɛmɔhɔ bɛɛfa aseɛ bɔ me bɔbɔ AWURADE ndale ndaen ngyirele ɛmɔ nana mɔ Abraham, Yisake ne Yakob kyɛ ngɔfa ngɔma bɛ ne bɛ bosofoɛ bɔ bɛkɔwa nziɛ ye ne.’

Deuteronomi 8:3

Ɔmane ɛhɔen huni wɔ fa brɛle wɔ ase, na mana bɔ né ɛnze nikye horɛ, bɔ wɔ nana mɔ koso bɛnze nikye horɛ ne, ɔmane wɔ bie maa elili. Ɔyɔle sɔ, kyɛbɔ ɔkɔmaa ekonwu ye kyɛ, nna aleɛ ngome yeɛ ɔma sona nya ngoa ɔ, na mmom AWURADE noa nu dwirɛ biala yeɛ ɔma sona nya ngoa ɔ.