Nehemia 9:12 - AHYERƐLƐ KRONGRON

¹² Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Nehemia 9:12 Iomraidhean Croise

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 105:39

Ɔtrɛle munungum nu maa ɔyɛle ngatasoɛ, yeɛ ɔmane see yɛle bɛ kanea kɔngɔen.

Edwein 107:7

Olili bɛ nyunu fale bɛ fale atee tee so maa benyane kuro bɛtenane so.

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 78:14

Alehyeleɛ nu, né ɔfa munungum di bɛ nyunu, na alesaleɛ nu amukoraa, né ɔfa see bɔ ogye wuronyiwuronyi yeɛ odi bɛ nyunu ɔ.

Ɛksadɔso 15:13

Ɛnate w’anwumvoinnwunɛ so ɛyɛle mmenia bɔ ale bɛ ne taataa, na ɛnate w’anwoserɛ so ehyirele bɛ atee maa bɛhɔle nekaa krongron bɔ ɛte ne.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Numeri 9:16

Daa biala sɔ ala yeɛ né ɔte ɔ: sɛ aleɛ kye a, munungum ne mundu so, na aleɛ sa a né wakakyi kyɛ see.

Numeri 9:21

Sɛ né odwu mmerɛ bie a, munungum ne mundu so fi nɔsoa kodwu ngyerɛmɔ; na sɛ munungum ne ma ye nwo so ngyerɛmɔ ne a, né batu bɛ bo. Sɛ munungum ne toa so mundu so eyia ne kɔngɔen a, mmerɛ biala bɔ ɔkɔma ye nwo so ne, né batu bɛ bo.

Deuteronomi 1:33

Ye bɔ olili ɛmɔ nyunu wɔ atunu penane nekaa bɔ ɛmɔsi ɛmɔ asikyeleɛ ɔ, wɔ see nu kɔngɔen fa hyirele ɛmɔ atee bɔ ɛmɔfa so ɔ, ɔne munungum nu koso eyia.