Nehemia 9:1 - AHYERƐLƐ KRONGRON

¹ Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Nehemia 9:1 Iomraidhean Croise

2 Samuel 1:2

Ye ɛlɛsa ne aso, biaa bie fili Sɔɔlo asikyeleɛ ne anu dɔ wale. Né ye ndaadeɛ nu asunzua, yeɛ né nnɛterɛ wɔ ye ti so. Oodwuli Dawide nyunu berɛ ne, ɔbɔle ye ti ase kotole ye.

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

2 Aberɛso Dwirɛ 7:10

Bosome nzoo ne, ye kyẽa bɔ ɔtɔ so aburanyɔ ne nza ne aso, otuli mmenia ne apo maa bɛhɔle b’awuro. Bele anigye ne aworakyekyerɛ yeɛ bɛhɔle ɔ, ɔnate paa bɔ AWURADE ayɔ ama Dawide ne Solomon ɔne ye maen Yisrael ne ati.

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Ɛsra 8:23

Yiti yɛyɛle akɔngyere yɛfale sɔ dwirɛ ne yɛtole yɛ Nyameɛ nyunu, na otiele yɛ mbaeɛ ne.

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Ɛseta 4:3

Manzini ne amukoraa nu, nekaa biala bɔ Nana Ahasuro mmeraa bɔ wahyɛ ne oodwuli ne, Yudafoɛ nemɔ bɔle awuye belili aworabɔlɛ ne mmuadaa, na bɛ nu pee herale ɛsɛen tena bɛfale nzoen bɛyɛle bɛ nwo.

YOB NWOMAA NE 2:12

Bɛwɔ dedeede ná bɛtole bɛ nye bɛneane ye nen, bannwu ye sona horɛ. Yiti besuni hahii, besunzuale bɛ ndaadeɛ nu, na betuli mvuture bɛhɔle anwuro beguale bɛ ti so.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Lewitikɔso 23:34

“Ka kyire Yisraelfoɛ kyɛ, Bosome nzoo ne, ye kyẽa bɔ ɔtɔ so buru ne nnu ne, odi kyɛ bedi Asese aluolue ɛlɛsoo bɛma AWURADE.

Lewitikɔso 23:39

“Afei, bosome nzoo ne, ye kyẽa bɔ ɔtɔ so buru ne nnu ne, mmerɛ bɔ ɛmɔafa aseɛ ne aso aleɛ bayie ne, ɛ́mɔli AWURADE aluolue ne ɛlɛsoo. Kyẽa bɔ oli moa ne, ɔne ɛlɛbɔtwɛ ne, ɛ́mɔli afofi bele bɛ nwome bɔkɔɔ.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Samuel 4:12

Benyaminniɛ bie tuli amirika fili koɛ ne noa wale Silo sɔ kyẽa ne ala. Né wasunzua ye ndaadeɛ nu, yeɛ né wafa nnɛterɛ koso wagua ye ti so.

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.