Nehemia 8:9 - AHYERƐLƐ KRONGRON

⁹ Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Nehemia 8:9 Iomraidhean Croise

2 Ahemvo 22:11

Nana Yosia tele mmeraa nwomaa ne anu dwirɛ pɛ, osunzuale ye bɔbɔ ye ndaadeɛ nu.

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

2 Aberɛso Dwirɛ 15:3

Mmerɛ tendenn bie bɔ wapɛ nu ɔ, né Yisrael ɔnze nahorɛniɛ Nyameɛ ne. Né belle ɔsɔfo bɔ okyirekyire bɛ ɔ, yeɛ belle mmeraa biala.

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

2 Aberɛso Dwirɛ 34:19

Nana Yosia tele mmeraa ne anu dwirɛ pɛ, osunzuale ye bɔbɔ ye ndaadeɛ nu.

2 Aberɛso Dwirɛ 34:21

“Nwomaa bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma me ne mmenia bɔ baha wɔ Yisrael ne Yuda ne. AWURADE afɛ yɛ so yaa piri paa, ofikyɛ yɛ nana mɔ bandie AWURADE dwirɛ, yeɛ edwirɛ amukoraa bɔ bahyerɛ ye nwomaa he anu ne, banni so.”

2 Aberɛso Dwirɛ 35:3

Osele Lewifoɛ bɔ bɛ yeɛ né bekyirekyire Yisraelfoɛ amukoraa Nyameɛ dwirɛ, ná bɛte krongron bɛma AWURADE ne kyɛ, “Alaka krongron ne, ɛ́mɔfa besie awuro bɔ Dawide awa Yisrael hene Solomon osili ne anu. Onni kyɛ ɛmɔsoa ye wɔ ɛmɔ bati so ko. Na afei, ɛ́mɔso AWURADE ɛmɔ Nyameɛ ne ye maen Yisrael.

Ɛsra 2:63

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Ɛsra 7:11

Ɔsɔfo Ɛsra bɔ ɔte ahyerɛlɛniɛ bɔ wabe paa wɔ AWURADE mmeraa dwirɛ ne ye ahyɛdeɛ bɔ ɔfa mane Yisrael ne anu ne, krataa bɔ Nana Atasɛsɛse fa mane ye ɛhe:

Nehemia 10:1

Nwomaa ne, mmenia hemɔ yeɛ bɛfale bɛ nzɔanoɛ bɛsɔle ye noa ɔ: Hakalia awa Nehemia bɔ ɔte amrado ne, ɔne Sedekia;

Nehemia 12:26

Sɔ mmerɛ ne te Yoakim bɔ ye baba ole Yesua bɔ ye baba ole Yosadake ne, yeɛ amrado Nehemia ne ɔsɔfo Ɛsra bɔ ɔte ahyerɛlɛniɛ ne b’aberɛ so.

Nehemia 7:65

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Nehemia 7:70

Afei bɛ nana mɔ sasofoɛ mbanyi nemɔ, bɛ nu biemɔ bɛbokale adwuma ne yɔlɛ wɔ esikaa nu. Amrado ne yɛle ndoboa he maa bɛfa beguale fotoɛ ne anu: esikaa kɔkorɛ kilo ngona, ayaa aburannu ne asɔfo ndaadeɛ ɛyaa nnu aburasa.

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nworɛ Dwirɛhanɛniɛ 3:4

esuɛ le ye mmerɛ, yeɛ ɛserelɛ le ye mmerɛ, awuyebɔlɛ le ye mmerɛ, yeɛ abiliegolɛ le ye mmerɛ;

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Malaki 2:13

Nikyee bieku bɔ ɛmɔsa bɛyɔ ɛhe: ɛmɔfa ɛmoenporolɛ, esuɛ ne awuyebɔlɛ bɛkata AWURADE afɔleɛ bokyea ne aso; ofikyɛ onne afɔleɛ ne ndo nu ko, yeɛ ye nye nzɔ bɔ ofi ɛmɔ berɛ ne ko.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 7:9

Makwati mmeraa ne matena ase le; nakoso mmeraa ne wale nen, bɔne tingyele na nwuli.

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Deuteronomi 12:7

Ɛmɔ ne ɛmɔ awuro ama bekodidi berɛ wɔ AWURADE ɛmɔ Nyameɛ nyunu, na ɔnate ɛmɔ adwuma mukoraati bɔ AWURADE ɛmɔ Nyameɛ wayira ɛmɔ ye nwo ne ati, ɛmɔkoli ahurusi.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 26:14

Mmerɛ bɔ né médi aworabɔlɛ ne, manni bie; mmerɛ bɔ né me nwo nde ne, manye so; yeɛ mamva bie mammɔ afɔleɛ mamma awufoɛ. Matie AWURADE me Nyameɛ dwirɛ, na mayɔ bɔ ahyɛ me ne amukoraati.

Yakobo 4:9

Ɛ́mɔli yealɛ, ɛ́mɔma ɛmɔ wora bɔ, ná ɛ́mɔsu! Ɛ́mɔma ɛmɔ aserekyekye kakyi aworabɔlɛ, ná ɛmɔ ahurusililɛ kakyi anwumvoin anwumvoin.