Nehemia 8:8 - AHYERƐLƐ KRONGRON

⁸ Yiti bɛkengale befili Nyameɛ mmeraa nwomaa ne anu, na behyirehyirele nu pefee mane mmenia ne tele bɔ bɛkengale ne abo.

Nehemia 8:8 Iomraidhean Croise

2 Ahemvo 23:2

Na ɔhɔle AWURADE awuro berɛ. Ɔne mmenia hemɔ yeɛ bɛhɔle ɔ: Yudafoɛ amukoraa, Yerusalemfoɛ amukoraa, asɔfo, ngɔmhyɛlɛfoɛ ne maen ne amu, kwahweabaa mɔ ne atitire mɔ. Na apam nwomaa bɔ benwuni ye wɔ AWURADE awuro berɛ ne, ɔkengale nu dwirɛ amukoraa maa betiele.

Ɛsra 4:18

Krataa bɔ ɛmɔhyerɛ bɛbrɛle yɛ ne, bate ye noa wɔ me dwudwolɛ nu bahyire me.

Nehemia 8:12

Yeɛ mmenia ne amukoraa bɛhɔle beedidili bɛnone, na bɛfale bie bɛhyehyɛle. Bɛgyele bɛ nye paa, ofikyɛ edwirɛ bɔ bɛkengale behyirele bɛ ne, bɛtele ye bo.

Nehemia 8:7

Afei koso Yesua, Bani, Serebia, Yamin, Akubo, Sabetae, Hodia, Maaseya, Kelita, Asaria, Yosabade, Hanan ne Pelaya bɔ bɛte Lewifoɛ ne, behyirehyirele mmeraa ne anu behyirele mmenia ne. Sɔ mmerɛ ne, né mmenia ne bɛtɛgyigyi berɛ.

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Nehemia 9:3

Bɛhɔle so begyinane bɛ gya so bɛkengale AWURADE bɛ Nyameɛ mmeraa nwomaa ne dɔnhwere nza, yeɛ bɛfale dɔnhwere nza bieku bɛhane bɛ bɔne, na bɛsɔnene AWURADE bɛ Nyameɛ.

Hesekiel 46:10

Sɛ bɛkwaawura nu a, odi kyɛ ɛhene ne ɔne bɛ bɛkɔ; yeɛ sɛ befite koso a, ɔne bɛ yeɛ bekofite ɔ.

Habakuku 2:2

Yeɛ AWURADE buale me kyɛ, “Kyerɛ nyekyire ne, ná kyerɛ ye pefee gua nyɔboɛ taataa nemɔ aso, amaa ɔnate so mmenia bahora bakenga ye ndɛndɛ so.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:32

Na besisele bɛ nwo kyɛ, “Mmerɛ bɔ né ɔne yɛ di ngɔmɔ wɔ atunu dɔ, bɔ né okyirekyire Ahyerɛlɛ ne anu kyire yɛ ne, aso yɛ kunu anyɛ yɛ nufaa?”

Luka 24:45

Afei obukyele b’adwene nu maa bɛtele Ahyerɛlɛ ne abo.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.