Nehemia 8:7 - AHYERƐLƐ KRONGRON

⁷ Afei koso Yesua, Bani, Serebia, Yamin, Akubo, Sabetae, Hodia, Maaseya, Kelita, Asaria, Yosabade, Hanan ne Pelaya bɔ bɛte Lewifoɛ ne, behyirehyirele mmeraa ne anu behyirele mmenia ne. Sɔ mmerɛ ne, né mmenia ne bɛtɛgyigyi berɛ.

Nehemia 8:7 Iomraidhean Croise

1 Ahemvo 8:14

Né Yisrael maen ne amukoraa begyigyi berɛ, na Nana Solomon pɛnene ye nye hyirele bɛ dɔ yirale bɛ mukoraa.

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

2 Aberɛso Dwirɛ 35:3

Osele Lewifoɛ bɔ bɛ yeɛ né bekyirekyire Yisraelfoɛ amukoraa Nyameɛ dwirɛ, ná bɛte krongron bɛma AWURADE ne kyɛ, “Alaka krongron ne, ɛ́mɔfa besie awuro bɔ Dawide awa Yisrael hene Solomon osili ne anu. Onni kyɛ ɛmɔsoa ye wɔ ɛmɔ bati so ko. Na afei, ɛ́mɔso AWURADE ɛmɔ Nyameɛ ne ye maen Yisrael.

Ɛsra 8:18

Na ɔnate kyɛ yɛ Nyameɛ lole yɛ ne ati, bɛmane biaa bie bɔ oli Serebia wale. Ɔte Yisrael awa Lewi ɔwa Maheli ye bosoniɛ. Ɔne ye mma mɔ ne ye mmango Lewifoɛ, bɛte buru ne mmɔtwɛ.

Nehemia 10:18

Hodia, Hasum, Besae,

Nehemia 10:2

Seraya, Asaria, Yeremia,

Nehemia 11:16

ne Sabetae ne Yosabade bɔ bɛla Lewifoɛ noa, bɔ bɛnea Nyameɛ awuro ne anwo adwuma ne aso,

Nehemia 11:19

Pambim awɛmvoɛ bɔ bɛ ole Akubo, Talmon ne bɛ mmango pambim awɛmvoɛ nemɔ ne, bɛ somaa te ɛyaa ko aburasoo ne nyɔ.

Nehemia 12:33

yeɛ Asaria, Ɛsra, Mesulam,

Nehemia 3:17

Lewifoɛ nemɔ toale ye so bɛyoyɔle nekaa biemɔ yé: Bani awa Rehum koso toale Hasabia bɔ ɔte Keila manzini ne bue so safohene ne aso. Ɔtoale so yɔle nekaa biemɔ bɔ basɛkye wɔ ye manzini ne anu ne yé.

Nehemia 3:19

Yesua bɔ ɔnea Misepa kuro ne aso ne, ɔwa Esere ɔtoale Bawayi deɛ ne aso. Nekaa foforɛ bie bɔ ɔwɔ pambaa bɔ besie akodeɛ wɔ so ne ndendeneɛ so ne, ɔyɔle ye yé.

Nehemia 3:23

Benyamin ne Hasubo bɛtoale bɛ deɛ ne aso bɛyɔle fasue ne nekaa bɔ ɔwɔ b’awuro ne ndendeneɛ so ne yé. Na Anania awa Maaseya ɔwa Asaria toale bɛ deɛ ne aso ɔyɔle nekaa bɔ ɔwɔ ye bɔbɔ ye awuro ne anwo ne yé.

Nehemia 8:12

Yeɛ mmenia ne amukoraa bɛhɔle beedidili bɛnone, na bɛfale bie bɛhyehyɛle. Bɛgyele bɛ nye paa, ofikyɛ edwirɛ bɔ bɛkengale behyirele bɛ ne, bɛtele ye bo.

Nehemia 8:4

Yeɛ ahyerɛlɛniɛ Ɛsra gyinane taboa simbini bie bɔ nyianu ne ati bahyɛ da babobɔ ɔ so. Na mmenia hemɔ gyinagyinane ye ngyɛnu: Matitia, Sema, Anaya, Yuria, Hilkia ne Maaseya gyinane ye sa famaa so, yeɛ Pedaya, Misael, Malkiya, Hasum, Hasbadana, Sakaria ne Mesulam koso begyinane ye sa bɛen so.

Nehemia 8:6

Na Ɛsra yele AWURADE, Nyameɛ piri ne ayɛ, na mmenia ne amukoraa bɛmomane bɛ sa so besurole so kyɛ, “Amen, Amen!” Na bɛfale bɛ nyunu bebutubutuli ase bɛsɔnene AWURADE.

Nehemia 8:8

Yiti bɛkengale befili Nyameɛ mmeraa nwomaa ne anu, na behyirehyirele nu pefee mane mmenia ne tele bɔ bɛkengale ne abo.

Nehemia 9:3

Bɛhɔle so begyinane bɛ gya so bɛkengale AWURADE bɛ Nyameɛ mmeraa nwomaa ne dɔnhwere nza, yeɛ bɛfale dɔnhwere nza bieku bɛhane bɛ bɔne, na bɛsɔnene AWURADE bɛ Nyameɛ.

Nehemia 9:4

Afei Yesua, Bani, Kadimiɛl, Sebania, Buni, Serebia, Bani ne Kenani begyinane Lewifoɛ b’atweleɛ ne aso, na bele komviɛ piri bɛteane nu bɛsrɛle AWURADE bɛ Nyameɛ.

Lewitikɔso 10:11

na odi kyɛ ɛmɔkyirekyire Yisraelfoɛ ahyɛdeɛ bɔ AWURADE nate Mose so ha hyirele bɛ ne amukoraa.”

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Deuteronomi 33:10

Bekohyire Yakob wɔ nhyehyɛleɛ ne, ná bahyire Yisrael wɔ mmeraa ne; bɛkɔfa ayirefona bɛkɔwa wɔ nyunu, ná babɔ afɔleɛ mumua yeralɛ wɔ w’afɔleɛ bokyea ne aso.