Nehemia 8:3 - AHYERƐLƐ KRONGRON

³ Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Nehemia 8:3 Iomraidhean Croise

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 13:1

Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Nehemia 8:18

Na daa biala, ofi kyẽa bɔ oli moa ne kɔpem kyẽa bɔ ɔpɛ ye bo ne, ɔkengale Nyameɛ mmeraa nwomaa ne. Belili aluolue ne ɛlɛsoo. Na ɛlɛbɔtwɛ ne aso, bɛyɔle nyianu krongron kyɛbɔ nhyehyɛleɛ ne te ne.

Nehemia 8:4

Yeɛ ahyerɛlɛniɛ Ɛsra gyinane taboa simbini bie bɔ nyianu ne ati bahyɛ da babobɔ ɔ so. Na mmenia hemɔ gyinagyinane ye ngyɛnu: Matitia, Sema, Anaya, Yuria, Hilkia ne Maaseya gyinane ye sa famaa so, yeɛ Pedaya, Misael, Malkiya, Hasum, Hasbadana, Sakaria ne Mesulam koso begyinane ye sa bɛen so.

Nehemia 8:5

Na Ɛsra bukyele nwomaa ne anu bɔ maen ne amukoraa bɛ nye tua ɔ, ofikyɛ né ogyi anwuro tra mmenia ne amukoraa. Na obukyele nwomaa ne anu nen, mmenia ne amukoraa bedwɔso begyinane.

Marko 12:37

Dawide bɔbɔ frɛ ye Awurade, na ɔwale ye sɛ bɔ ɔɔyɛle ɔwa ɔ?” Na ɛlɔen ne tiele ye wɔ anigye so.

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 8:18

Yiti kyɛbɔ ɛmɔtie edwirɛ ne, ɛ́mɔdwene ye nwo yé. Ofikyɛ, ebiala bɔ ole bie ne, bɛkɔfa bieku bɛkɔboka ye so; na bɔ olle bie ne, bɔ osusu kyɛ ole ye ne po, bekole bekofi ye sa nu.”

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Asomafoɛ 15:21

Ɔnate kyɛ ofi tete yeɛ mmenia bɔ Mose mmeraa ne dawure wɔ nguro mukoraa so ɔ, na bɛkenga ye afofikyẽa biala wɔ nyianu sua nemɔ nu.”

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

Asomafoɛ 20:11

Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle.

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

Yosua 8:35

Edwirɛ bɔ Mose hyɛle ne amukoraa, nu ko po nne berɛ bɔ Yosua wangenga ye wɔ Yisrael badwa ne amukoraa nyunu ɔ, mmrasua ne ngwadaa mɔ nyunu, yeɛ ɛwɔfoɛ mɔ bɔ baatena Yisraelfoɛ mɔ nu koso bɛ nyunu.

Nyekyire 2:29

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 3:22

Bɔ ole asoɛ ne, maa otie bɔ Sunzum ne kã kyire asɔre nemɔ ne.