Nehemia 8:2 - AHYERƐLƐ KRONGRON

² Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nehemia 8:2 Iomraidhean Croise

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 13:1

Sɔ kyẽa ne, bɛkengale Mose nwomaa ne anu dwirɛ behyirele maen ne. Na benwuni kyɛ bahyerɛ ye wɔ nu kyɛ onni kyɛ Amonniɛ anaa Moaboniɛ biala ɔkɔ Nyameɛ badwa nu le,

Nehemia 8:18

Na daa biala, ofi kyẽa bɔ oli moa ne kɔpem kyẽa bɔ ɔpɛ ye bo ne, ɔkengale Nyameɛ mmeraa nwomaa ne. Belili aluolue ne ɛlɛsoo. Na ɛlɛbɔtwɛ ne aso, bɛyɔle nyianu krongron kyɛbɔ nhyehyɛleɛ ne te ne.

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Yesaya 28:9

“Nwa yeɛ okohyire ye nimdeɛ ɔ? Nwa yeɛ okohyirehyire ngyerɛkyerɛ ne anu kohyire ye ɔ? Bɛ bɔ bapɛ bɛ nyɔfone anaa? Bɛ bɔ bate bɛ bafi nyɔfone noa anaa?

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Asomafoɛ 15:21

Ɔnate kyɛ ofi tete yeɛ mmenia bɔ Mose mmeraa ne dawure wɔ nguro mukoraa so ɔ, na bɛkenga ye afofikyẽa biala wɔ nyianu sua nemɔ nu.”

Deuteronomi 17:18

Na sɛ odi bia ne a, ɔ́nea kyɛ ɔkɔmaa bɛkɔhyerɛ mmeraa he bie bɛkɔma ye wɔ Lewifoɛ bɔ bɛte asɔfo ne nyunu ɔ.

Yosua 8:35

Edwirɛ bɔ Mose hyɛle ne amukoraa, nu ko po nne berɛ bɔ Yosua wangenga ye wɔ Yisrael badwa ne amukoraa nyunu ɔ, mmrasua ne ngwadaa mɔ nyunu, yeɛ ɛwɔfoɛ mɔ bɔ baatena Yisraelfoɛ mɔ nu koso bɛ nyunu.