Nehemia 8:16 - AHYERƐLƐ KRONGRON

¹⁶ Yiti mmenia ne hɔle bɛɛfale mmaen nemɔ bɛwale, na besisili b’asese mɔ wɔ bɛ sua nemɔ mmɔsoɛ so, b’awuro aluo, yeɛ Nyameɛ awuro aluo berɛ, yeɛ Nzue Pambim ne anwo nekaa bɔ bɛbɔ dwaa ɔne Efraim Pambim ne anwo nekaa bɔ bɛbɔ dwaa ne.

Nehemia 8:16 Iomraidhean Croise

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

2 Ahemvo 14:13

Yuda hene Amasia bɔ ye baba ole Yehoase bɔ ye koso ye baba ole Ahasia ne, Yisrael hene Yehoase hyele ye nnure wɔ Bete Semese. Yisrael hene Yehoase hɔle Yerusalem, na obubuli Yerusalem fasue ne guale ase, fi Efraim Pambim ne kɔka Ndweasoɛ Pambim ne. Efi Efraim pambim ɛkɔ Ndweasoɛ pambim a, ye tendenn te agyirɛ ɛyaa nna.

2 Aberɛso Dwirɛ 20:5

Yehosafate gyinane Yudafoɛ ne Yerusalemfoɛ bɔ babɔ dwaa wɔ AWURADE awuro berɛ ne bɛ nyunu, wɔ aluo foforɛ ne anyunu berɛ.

2 Aberɛso Dwirɛ 33:5

Aluo nyɔ bɔ bɛwɔ AWURADE awuro berɛ ne, osisili afɔleɛ mmokyea mane nyameɛso abɔdeɛ ahoroɔ amukoraati wɔ berɛ.

Nehemia 12:37

Bedwuli Abura Pambim ne anwo ne, bɛhɔle bɛ nyunu tee bɛɛfole Dawide kuro atweleɛ bɔ ɔwɔ fasue ne anwuro dɔ ne, na bɛfale Dawide awuro ne anwuro dɔ beedwuli Nzue Pambim bɔ ɔwɔ eyia afiteleɛ ne anwo.

Nehemia 12:39

wɔ Efraim Pambim ne anwuro wɔ Pambim Daa ne anwo ne Tire Pambim ne Hananel Abandenden ne, ɔne Ɛyaa Abandenden ne anwo yɛɛdwuli Mmoaen Pambim ne anwo. Na beegyinane Awɛmvoɛ Pambim ne anwo.

Nehemia 3:26

ɔne asɔneyɛɛ sua nu somvoɛ mɔ bɔ bɛte Ofel, bɛtoale so bɛyɔle fasue ne yé beedwuli Nzue Pambim bɔ ɔwɔ eyia afiteleɛ so ne ɔne abandenden bɔ ogyi sua ne aso ne, bɛ ndendeneɛ so.

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Yeremia 19:13

Na Yerusalem awuro mɔ ne Yuda ahemvo mɔ awuro mɔ, bɛ nwo kogua fiɛ te kyɛ Tofete berɛ, ɔnate awuro amukoraa bɔ bayera ɛyɛɛ wɔ bɛ ti afia bama ewienu nzramaa amukoraa, ɔne anonneɛ afɔleɛ bɔ babɔ bama nyameɛ foforɛ mɔ ne ati.’ ”

Yeremia 32:29

Na Kaldeafoɛ bɔ bafa koɛ bateta kuro he ne, bɛkɔwa bɛkɔɔto kuro he anu see, na bɛkɔyera ye ne sua mɔ bɔ mmenia ayera ɛyɛɛ wɔ bɛ ti afia bama Baal, ná basa babɔ anonneɛ afɔleɛ wɔ bɛ ti afia bama nyameɛ foforɛ mɔ kyɛ bɛfa bewura me apue ne.

Deuteronomi 22:8

“Sɛ esi sua foforɛ a, sua ne anwuro nekaa bɔ basamo ne, to ɛwaen fa ye nwo bra yia. Anyɔ ye sɔ, ná ebie fi so te tɔ a, mogya nwo foɛlilɛ kɔla wɔ sua ne aso.