Nehemia 8:12 - AHYERƐLƐ KRONGRON

¹² Yeɛ mmenia ne amukoraa bɛhɔle beedidili bɛnone, na bɛfale bie bɛhyehyɛle. Bɛgyele bɛ nye paa, ofikyɛ edwirɛ bɔ bɛkengale behyirele bɛ ne, bɛtele ye bo.

Nehemia 8:12 Iomraidhean Croise

1 Aberɛso Dwirɛ 29:22

Na sɔ kyẽa ne, bele anigye bedidili bɛnone wɔ AWURADE nyunu. Bɛpopale Dawide awa Solomon ngoo besili ye hene bieku. Bɛpopale ye ngoo wɔ AWURADE nyunu bɛfale ye betuale bɛ noa, yeɛ Sadoke koso bɛpopale ye ngoo maa ɔyɛle bɛ sɔfo.

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Nehemia 8:11

Yiti Lewifoɛ nemɔ hane sɔ dwirɛ he mane mmenia ne b’ahone tɔle bɛ kunu, “Ɛ́mɔyɛ konn, ofikyɛ ɛnɛ kyẽa ye te krongron: nnɛmɔma ɛmɔ wora bɔ.”

Nehemia 8:13

Kyẽa bɔ ɔtɔ so nyɔ ne, bɛ bɔ bɛlela mmenia ne amukoraa bɛ nana mɔ bɛ sasofoɛ noa ne, bɛ ne asɔfo nemɔ ne Lewifoɛ ne, bɛbɔle nu bɛhɔle ahyerɛlɛniɛ Ɛsra berɛ kyɛ bɛkwaasua mmeraa ne anu dwirɛ ne.

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 119:111

Wɔ noa dwirɛ ne te m’agyapadeɛ afebɔɔ; na ɔma me anigye wɔ m’ahone nu.

Edwein 119:127

Amba, me nye gye wɔ mmeraa dwirɛ ne anwo tra esikaa kɔkorɛ, tra esikaa kɔkorɛ paa.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Edwein 119:14

Me nye gye kyɛ ngoli wɔ noa dwirɛ so tra anwonyadeɛ amukoraa.

Edwein 119:16

Ngɔma me nye kɔgye w’ahyɛdeɛ nwo, na mengɔma me wora ngofi wɔ dwirɛ ne.

Edwein 119:171

Me noa kɔhã ayɛyelɛ dwirɛ, ofikyɛ ekyirekyire me w’ahyɛdeɛ ne.

Edwein 119:174

Ao AWURADE, me wora adɔ wɔ ngoalelɛ ne, ofikyɛ wɔ mmeraa yeɛ ɔte m’anigye ɔ.

Edwein 119:72

Wɔ noa nu mmeraa te paa ma me tra esikaa kɔkorɛ ne ɛdwetɛ apee apee.

Edwein 119:97

Ao, kyɛbɔ mesi mekuro wɔ mmeraa ne ɔ! Ye nwo yeɛ medwenedwene daa ɔ.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Luka 24:32

Na besisele bɛ nwo kyɛ, “Mmerɛ bɔ né ɔne yɛ di ngɔmɔ wɔ atunu dɔ, bɔ né okyirekyire Ahyerɛlɛ ne anu kyire yɛ ne, aso yɛ kunu anyɛ yɛ nufaa?”

Romanfoɛ 7:18

Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.