Nehemia 8:1 - AHYERƐLƐ KRONGRON

¹ Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Nehemia 8:1 Iomraidhean Croise

2 Ahemvo 23:2

Na ɔhɔle AWURADE awuro berɛ. Ɔne mmenia hemɔ yeɛ bɛhɔle ɔ: Yudafoɛ amukoraa, Yerusalemfoɛ amukoraa, asɔfo, ngɔmhyɛlɛfoɛ ne maen ne amu, kwahweabaa mɔ ne atitire mɔ. Na apam nwomaa bɔ benwuni ye wɔ AWURADE awuro berɛ ne, ɔkengale nu dwirɛ amukoraa maa betiele.

2 Aberɛso Dwirɛ 34:15

Yeɛ Hilkia sele ahyerɛlɛniɛ Safan kyɛ, “Manwu mmeraa nwomaa ne wɔ AWURADE awuro berɛ.” Na Hilkia fale nwomaa ne mane Safan.

2 Aberɛso Dwirɛ 34:30

Na ɔhɔle AWURADE awuro berɛ. Ɔne mmenia hemɔ yeɛ bɛhɔle ɔ: Yudafoɛ amukoraa, Yerusalemfoɛ amukoraa, asɔfo, Lewifoɛ ne maen ne amukoraa, atitire mɔ ne kwahweabaa mɔ. Na apam nwomaa bɔ benwuni ye wɔ AWURADE awuro berɛ ne, ɔkengale nu dwirɛ amukoraa maa betiele.

Ɛsra 7:1

Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,

Ɛsra 7:10

Ofikyɛ né Ɛsra watu ye nwo wasie berɛ kyɛ okosua AWURADE mmeraa ne, kyɛ okoli so, ɔne kyɛ okohyirehyire sɔ ahyɛdeɛ ne ɔne nhyehyɛleɛ ne wɔ Yisrael.

Ɛsra 7:11

Ɔsɔfo Ɛsra bɔ ɔte ahyerɛlɛniɛ bɔ wabe paa wɔ AWURADE mmeraa dwirɛ ne ye ahyɛdeɛ bɔ ɔfa mane Yisrael ne anu ne, krataa bɔ Nana Atasɛsɛse fa mane ye ɛhe:

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Nehemia 12:26

Sɔ mmerɛ ne te Yoakim bɔ ye baba ole Yesua bɔ ye baba ole Yosadake ne, yeɛ amrado Nehemia ne ɔsɔfo Ɛsra bɔ ɔte ahyerɛlɛniɛ ne b’aberɛ so.

Nehemia 12:37

Bedwuli Abura Pambim ne anwo ne, bɛhɔle bɛ nyunu tee bɛɛfole Dawide kuro atweleɛ bɔ ɔwɔ fasue ne anwuro dɔ ne, na bɛfale Dawide awuro ne anwuro dɔ beedwuli Nzue Pambim bɔ ɔwɔ eyia afiteleɛ ne anwo.

Nehemia 3:26

ɔne asɔneyɛɛ sua nu somvoɛ mɔ bɔ bɛte Ofel, bɛtoale so bɛyɔle fasue ne yé beedwuli Nzue Pambim bɔ ɔwɔ eyia afiteleɛ so ne ɔne abandenden bɔ ogyi sua ne aso ne, bɛ ndendeneɛ so.

Nehemia 8:16

Yiti mmenia ne hɔle bɛɛfale mmaen nemɔ bɛwale, na besisili b’asese mɔ wɔ bɛ sua nemɔ mmɔsoɛ so, b’awuro aluo, yeɛ Nyameɛ awuro aluo berɛ, yeɛ Nzue Pambim ne anwo nekaa bɔ bɛbɔ dwaa ɔne Efraim Pambim ne anwo nekaa bɔ bɛbɔ dwaa ne.

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Lewitikɔso 9:5

Bɛfale bɔ Mose hyɛle bɛ ne bɛwale ɛtena sua atenaleɛ ne anyunu berɛ, na Yisraelfoɛ amukoraa bɔ pingyele beegyinane AWURADE nyunu.

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 23:2

“Mose bia so yeɛ ahyerɛlɛfoɛ mɔ ne Farasiifoɛ mɔ bɛtena ɔ;

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Deuteronomi 31:11

bɔ yeɛ Yisraelfoɛ amukoraati bɛba AWURADE wɔ Nyameɛ nyunu, wɔ nekaa bɔ okohyire ne, ɔyɛ a kenga mmeraa he ma Yisraelfoɛ amukoraati bɛte bie.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.

Maenbulɛfoɛ 20:8

Mmenia ne amukoraa bɛbɔle nu bedwɔsole, na bɛhane kyɛ, “Yɛ nu biala ngɔhɔ ye ɛtena sua nu, yeɛ yɛ nu biala ngosa ngɔhɔ ye awuro.