Nehemia 7:73 - AHYERƐLƐ KRONGRON

⁷³ Yiti asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ, mmenia nemɔ anu bie, asɔneyɛɛ sua nu somvoɛ nemɔ ne Yisraelfoɛ amukoraa, bɛtenatenane bɛ nguro mɔ so.

Nehemia 7:73 Iomraidhean Croise

2 Ahemvo 7:10

Yiti bɛɛfrɛfrɛle kuro berɛ pambim awɛmvoɛ nemɔ bɛbɔle bɛ amaneɛ kyɛ, “Yɛhɔle Siriafoɛ asikyeleɛ ne anu, nakoso yannwu sona fee, yeɛ yande sona fee nga wɔ dɔ. Bɔ yɛnwuni ala yeɛ ole mbɔngɔ ne afunum mɔ bɔ bamendamenda bɛ ɔ, ɔne b’ɛtena sua mɔ kyɛbɔ bɛyakyili bɛ berɛ bɛhɔle ne ala.”

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

Ɛsra 2:70

Afei asɔfo nemɔ, Lewifoɛ ne mmenia ne biemɔ bɛtenatenane Yerusalem ne ye nwo nguro nemɔ aso. Afei edweintolɛfoɛ ne anoa awɛmvoɛ ne asɔneyɛɛ sua nu somvoɛ nemɔ koso bɛɛtenatenane bɛ nguro nemɔ aso, na Yisraelfoɛ ngaa ne amukoraa bɛɛtenatenane bɛ nguro nemɔ aso.

Ɛsra 3:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena nguro nemɔ aso nen, bɛ mukoraa bɛbɔle nu bɛɛboale bɛ noa wɔ Yerusalem.

Nehemia 11:3

Mbɔtam mbanyi ne, né bɛtete Yerusalem. Nakoso Yuda nguro ngaa nemɔ aso de, Yisraelfoɛ ngaa ne, asɔfo, Lewifoɛ, asɔneyɛɛ sua nu somvoɛ ne Solomon somvoɛ nemɔ bɛ boso ama nemɔ, né ebiala te ye bɔbɔ ye aseɛ so.

Nehemia 7:72

Na maen ne ngaa ne tuale ɛhe bɛfa bɛbokale: esikaa kɔkorɛ kilo ɛyaa ko aburasia ne mmɔtwɛ, ɛdwetɛ kilo ɛyaa ko aburanna, yeɛ asɔfo ndaadeɛ aburasia ne nzoo.