Nehemia 7:72 - AHYERƐLƐ KRONGRON

⁷² Na maen ne ngaa ne tuale ɛhe bɛfa bɛbokale: esikaa kɔkorɛ kilo ɛyaa ko aburasia ne mmɔtwɛ, ɛdwetɛ kilo ɛyaa ko aburanna, yeɛ asɔfo ndaadeɛ aburasia ne nzoo.

Nehemia 7:72 Iomraidhean Croise

2 Ahemvo 22:14

Yiti ɔsɔfo Hilkia, yeɛ Ahikam, Akibɔ, Safan ne Asaya besili nu bɛhɔle ngɔmhyɛlɛniɛ brasua Hulda berɛ. Ohu ole Salum bɔ ye baba ole Tikiwa, bɔ ye baba ole Hahase bɔ ɔnea asɔfo mɔ bɛ ndaadeɛ so ne. Né Hulda te Yerusalem borɔnoɛ foforɛ paa ne aso, na berɛ yeɛ bɛhɔle ye berɛ beebisale Nyameɛ noa dwirɛ ɔ.

Ɛsra 3:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena nguro nemɔ aso nen, bɛ mukoraa bɛbɔle nu bɛɛboale bɛ noa wɔ Yerusalem.

Nehemia 10:28

Maen ne ngaa ne, asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ nemɔ, asɔneyɛɛ sua nu somvoɛ nemɔ, ɔne ebiala bɔ wahwe ye nwo wafi aseɛ ne aso ama nwo kyɛ okoli Nyameɛ mmeraa so ne, bɛ ne bɛ ye mɔ, bɛ mma mmienzua, bɛ mma mmrasua, ɔne ebiala bɔ ole nimdeɛ ne nworɛ ɔ,

Nehemia 7:71

Na bɛ nana mɔ sasofoɛ mbanyi nemɔ bie tuale ɛhe beguale adwuma ne nwo fotoɛ ne anu: esikaa kɔkorɛ kilo ɛyaa ko aburasoo, yeɛ ɛdwetɛ kilo apee ko ɛyaa nyɔ aburannu.

Nehemia 7:73

Yiti asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ, mmenia nemɔ anu bie, asɔneyɛɛ sua nu somvoɛ nemɔ ne Yisraelfoɛ amukoraa, bɛtenatenane bɛ nguro mɔ so.