Nehemia 7:64 - AHYERƐLƐ KRONGRON

⁶⁴ Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

Nehemia 7:64 Iomraidhean Croise

1 Aberɛso Dwirɛ 9:1

Bɛhale Yisraelfoɛ amukoraa mmusua mmusua, na bɛhyerɛle bɛ dumaa wɔ Yisrael ahemvo nwomaa ne anu. Ɔnate Yudafoɛ b’asoserɛ ti yeɛ ɔmaa bɛhyele bɛ nnure bɛhɔle Babilɔn ɔ.

Nehemia 13:29

Ao me Nyameɛ, kaye bɛ ná ɛne bɛ li, ofikyɛ sɔfolilɛ adwuma ne, yeɛ sɔfolilɛ ne Lewifoɛ apam ne, bagua ye nwo fiɛ.

Nehemia 7:5

Yeɛ Nyameɛ maa nyane adwene kyɛ atitire nemɔ, mbanyi nemɔ ne maen ne, mma bɛbɔ dwaa maa bɛhyerɛ bɛ dumaa kyɛbɔ bɛ mmusua mmusua te ɔ. Na nwuni mmusua mmusua nwomaa bɔ bɛ bɔ belili moa bɛwale ne, bɛ dumaa wɔ nu ɔ. Na nwuni kyɛ bahyerɛ ɛhe wɔ nu:

Nehemia 7:63

Ebiemɔ koso bɛte asɔfo mɔ bɛ bosofoɛ: Bɛ ole Hobaya, Hakose, yeɛ Basilae (bɔ ogyale Gileadeniɛ Basilae ye mma mmrasua nemɔ nu ko, bɔ ɔnate so maa ɔfale bɛ dumaa ne bie ne).

Nehemia 7:65

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.