Nehemia 7:63 - AHYERƐLƐ KRONGRON

⁶³ Ebiemɔ koso bɛte asɔfo mɔ bɛ bosofoɛ: Bɛ ole Hobaya, Hakose, yeɛ Basilae (bɔ ogyale Gileadeniɛ Basilae ye mma mmrasua nemɔ nu ko, bɔ ɔnate so maa ɔfale bɛ dumaa ne bie ne).

Nehemia 7:63 Iomraidhean Croise

2 Samuel 17:27

Na mmerɛ bɔ Dawide oodwuli Mahanaim nen, Nahase bɔ ofi Amonfoɛ kuro Raba ne, ɔwa Sobi, ɔne Amiɛl bɔ ofi Lodeba ɔwa Makyiri, yeɛ Gileadeniɛ Basilae bɔ ofi Rogelim,

1 Ahemvo 2:7

Nakoso, Gileadeniɛ Basilae mma mmienzua nemɔ de, yɛ bɛ paa. Mmenia bɔ ɛma bɛ bɛ noa aleɛ ne, fa bɛ boka so ofikyɛ mmerɛ bɔ nwati mvili eliɛma Absalom nyunu ne, bɛyele bɛ kunu bɛbokale me.

1 Aberɛso Dwirɛ 4:8

Kose wole Anubo ne Sobeba; na Harum awa Ahahel ye abusuafoɛ bɛte Kose boso ama.

Nehemia 3:4

Hakose awa Yuriya ɔwa Meremote toale bɛ so yɔle nekaa bɔ wasɛkye ne bie yé. Mesesabɛl ɔwa Berekia awa Mesulam koso toale so yɔle nekaa bɔ wasɛkye ne bie yé. Baana awa Sadoke toale so yɔle nekaa bɔ wasɛkye ne bie yé.

Nehemia 7:62

Bɛte mmenia hemɔ bɛ bosofoɛ: Delaya, Tobia ne Nekoda. Bɛ somaa te ɛyaa nzia aburanna ne nyɔ.

Nehemia 7:64

Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.