Nehemia 7:5 - AHYERƐLƐ KRONGRON

⁵ Yeɛ Nyameɛ maa nyane adwene kyɛ atitire nemɔ, mbanyi nemɔ ne maen ne, mma bɛbɔ dwaa maa bɛhyerɛ bɛ dumaa kyɛbɔ bɛ mmusua mmusua te ɔ. Na nwuni mmusua mmusua nwomaa bɔ bɛ bɔ belili moa bɛwale ne, bɛ dumaa wɔ nu ɔ. Na nwuni kyɛ bahyerɛ ɛhe wɔ nu:

Nehemia 7:5 Iomraidhean Croise

Ɛsra 2:62

Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Nehemia 5:19

Ao me Nyameɛ, kaye paa amukoraa bɔ mayɔ mama maen he ɔ.

Nehemia 6:14

Ao me Nyameɛ, kaye Tobia ne Sanbalate kyɛbɔ bɛ yɔleɛ si te ɔ. Afei koso, kaye ngɔmhyɛlɛniɛ brasua Noadia ne ngɔmhyɛlɛfoɛ ngaa nemɔ bɔ bɛpena kyɛ ɛserɛ kã mene.

Nehemia 7:4

Né kuro ne ɔtrɛ, yeɛ ɔte piri, nakoso nu mmenia ne banzo, yeɛ afei né bennya bessisili sua mɔ wɔ nu.

Nehemia 7:64

Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Anyandera 3:6

Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Yakobo 1:16

Nniɛma mɔ bɔ ɛmɔla m’ahone nwo ɔ, nnɛmɔma bɛlakalaka ɛmɔ.