Nehemia 7:3 - AHYERƐLƐ KRONGRON

³ Na nga ngyirele bɛ kyɛ, “Yerusalem pambim nemɔ, onni kyɛ bebukye, sana eyia abɔ katekate koraka. Mmerɛ bɔ awɛmvoɛ nemɔ bɛwɛne ne, odi kyɛ bɛto pambim nemɔ anu bɛbrambram bɛ si. Ɛ́mɔnea Yerusalemfoɛ nemɔ anu bɛ́ye awɛmvoɛ bɔ bɛ nu bie kɔwɛne nekaa bɔ bafa bawura ye sa, ná bɛ nu bie koso bawɛne b’awuro ndendeneɛ so ɔ.”

Nehemia 7:3 Iomraidhean Croise

Nehemia 13:19

Yiti nhyɛle kyɛ, afofikyẽa ne baadwu, na sɛ ewienu hyɛ ye bo kyɛ opini a, odi kyɛ bɛtoto Yerusalem pambim anoa nemɔ anu, na onni kyɛ bebukye, sana afofikyẽa ne apɛ nu koraka. Na mmane me somvoɛ nemɔ bie bɛtenatenane pambim nemɔ anoa, kyɛbɔ mmenia bɛngɔfa nningyein bengowura kuro ne anu afofikyẽa ɔ.

Nehemia 3:23

Benyamin ne Hasubo bɛtoale bɛ deɛ ne aso bɛyɔle fasue ne nekaa bɔ ɔwɔ b’awuro ne ndendeneɛ so ne yé. Na Anania awa Maaseya ɔwa Asaria toale bɛ deɛ ne aso ɔyɔle nekaa bɔ ɔwɔ ye bɔbɔ ye awuro ne anwo ne yé.

Nehemia 7:2

mvale Yerusalem nwurale nniɛma Hanani ɔne Hanania bɔ ɔnea abandenden ne aso ne, bɛ sa. Ofikyɛ né ɔte nahorɛniɛ bɔ osuro Nyameɛ tra kyɛbɔ mmenia pee besuro Nyameɛ ɔ.

Nehemia 7:4

Né kuro ne ɔtrɛ, yeɛ ɔte piri, nakoso nu mmenia ne banzo, yeɛ afei né bennya bessisili sua mɔ wɔ nu.

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Edwein 147:13

Ofikyɛ wamiamia wɔ pambim si mmuralɛ nemɔ anu, wayira wɔ mma bɔ bɛwɔ wɔ nu ne.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.