Nehemia 7:1 - AHYERƐLƐ KRONGRON

¹ Mmerɛ bɔ besili fasue ne beyiele, ná nduatuale anoa nemɔ, ná nneaneane nu nyeyele pambim awɛmvoɛ, edweintolɛfoɛ ne Lewifoɛ nyiele ne,

Nehemia 7:1 Iomraidhean Croise

2 Ahemvo 7:10

Yiti bɛɛfrɛfrɛle kuro berɛ pambim awɛmvoɛ nemɔ bɛbɔle bɛ amaneɛ kyɛ, “Yɛhɔle Siriafoɛ asikyeleɛ ne anu, nakoso yannwu sona fee, yeɛ yande sona fee nga wɔ dɔ. Bɔ yɛnwuni ala yeɛ ole mbɔngɔ ne afunum mɔ bɔ bamendamenda bɛ ɔ, ɔne b’ɛtena sua mɔ kyɛbɔ bɛyakyili bɛ berɛ bɛhɔle ne ala.”

2 Aberɛso Dwirɛ 31:2

Hesekia hyehyɛle asɔfo nemɔ ne Lewifoɛ nemɔ anu kure kure fale ebiala ye adwuma wurale ye sa; kyɛ asɔfo nemɔ ne Lewifoɛ nemɔ bɛ́bɔ naen yeralɛ afɔleɛ ne asomdwee afɔleɛ, kyɛ bɛ́yɔ ɛsɔnenɛ adwuma wɔ AWURADE asikyeleɛ pambim nemɔ anu, ná bɛ́ye AWURADE ayɛ bɛ́la ye ase.

Ɛsra 3:8

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.

Nehemia 10:39

Ofikyɛ odi kyɛ Yisraelfoɛ ne Lewi bosofoɛ ne bɛfa b’akyɛdeɛ bɔ ɔte aburoo, nzaa ne ngoo bɛba pumbu mɔ bɔ bɛfa nningyein krongron besie nu nemɔ anu, ɔne nekaa bɔ asɔfo mɔ bɔ bɛyɔ ɛsɔnenɛ adwuma ne, anoa wɛmvoɛ nemɔ ne edweintolɛfoɛ nemɔ bɛwɔ ne. Yɛngobu yɛ nye ngogua yɛ Nyameɛ awuro ne aso.

Nehemia 11:3

Mbɔtam mbanyi ne, né bɛtete Yerusalem. Nakoso Yuda nguro ngaa nemɔ aso de, Yisraelfoɛ ngaa ne, asɔfo, Lewifoɛ, asɔneyɛɛ sua nu somvoɛ ne Solomon somvoɛ nemɔ bɛ boso ama nemɔ, né ebiala te ye bɔbɔ ye aseɛ so.

Nehemia 12:24

Lewifoɛ mbanyi bɔ né bɛlela bɛ noa ɛhe: Hasabia, Serebia, yeɛ Yesua bɔ ye baba ole Kadimiɛl ne, bɛ ne b’eliɛma mɔ bɔ né begyina bɛ ndendeneɛ so besuro ayɛyelɛ ne asennaa dwein ne aso, kyɛbɔ Nyameɛ sona Dawide hyɛle ne. Kure ko to ye deɛ yie a, né ko koso wato ye deɛ.

Nehemia 6:1

Na Sanbalate, Tobia, Araboniɛ Gesem ne pɔfoɛ ngaa nemɔ bɛtele kyɛ masi fasue ne mayie bɔ tokuro biala ɔnne ye neka fee ɔ (ɔwɔ nu kyɛ ɔbaadwu sɔ kyẽa nen, né nnya nduatuale pambim anoa nemɔ).

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Nehemia 6:19

Na belili Tobia nwo adanzeɛ paa behyirele me, yeɛ bɛɛhane edwirɛ bɔ ngane nemɔ behyirele ye. Na Tobia hyerɛle ngrataa oonwunanwunane me.