Nehemia 6:9 - AHYERƐLƐ KRONGRON

⁹ Ofikyɛ né bɛ mukoraa bɛpena kyɛ benwunanwuna yɛ. Bɛdwene kyɛ, “Bɛkɔpa aba wɔ adwuma ne anwo, na bɛkɔyakyi ye yɔlɛ.” (Na mmɔle mbaeɛ kyɛ,) “Ao Nyameɛ, mesrɛ wɔ, ma me hue yɛ se.”

Nehemia 6:9 Iomraidhean Croise

2 Aberɛso Dwirɛ 15:7

Nakoso ɛmɔ de, ɛ́mɔgyina pindinn. Nnɛma ɛmɔ abasa nu dwo, ofikyɛ ɛmɔkonya ɛmɔ adwuma nwo akatuaa.”

2 Aberɛso Dwirɛ 32:18

Bɛteane nu bɛhane sɔ dwirɛ ne wɔ Yuda dwudwolɛ nu bɛfa benwunanwunane Yerusalemfoɛ bɔ bɛtete kuro berɛ fasue ne aso ne betuli bɛ kunu, amaa ɔnate so bahora bali kuro ne aso ngonim.

Ɛsra 1:6

Na mmenia bɔ Yisraelfoɛ ne bɛ te mbɔtam ne amukoraa bɛfale sɔ nningyein hemɔ bɛbokale bɛ: ɛdwetɛ ndalie, esikaa kɔkorɛ, nningyein, nyɛmmoa, mbembenanneɛ, ɔne akyɛdeɛ ahoroɔ bɔ befiane bɛ kunu bɛfa bɛmane bɛ ɔ.

Nehemia 6:14

Ao me Nyameɛ, kaye Tobia ne Sanbalate kyɛbɔ bɛ yɔleɛ si te ɔ. Afei koso, kaye ngɔmhyɛlɛniɛ brasua Noadia ne ngɔmhyɛlɛfoɛ ngaa nemɔ bɔ bɛpena kyɛ ɛserɛ kã mene.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 56:3

Sɛ esuronyi tɔ me so a, mefa me wora mewura wɔ nu.

Edwein 68:35

Ao Nyameɛ, wɔ nwo yɛ suro wɔ w’atenaleɛ krongron berɛ. Yisrael Nyameɛ ne, ye yeɛ ɔma ye maen tumi ne anwoserɛ ɔ. Animnyam hã Nyameɛ!

Edwein 71:1

Ao AWURADE, wɔ nu yeɛ mebɔ me nwo waen ɔ; nnɛma me nyunu gua ase le.

Yesaya 40:29

Ye yeɛ ɔma bɔ wafɛ anwoserɛ ɔ, na bɔ ye nwo ayɛ ye bɛtɛɛ ne koso, ɔma ye anwoserɛ pee.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Hesekiel 30:24

Ngɔma Babilɔn hene ye sa nu kɔyɛ se, ngɔfa me ngrandɛ ngowura ye sa nu; nakoso Faro de, ngobu ye sa nu, na ɔkɔpene kyɛ sona bɔ bapura ye paa ɔ, wɔ Babilɔn hene nyunu.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Hebrifoɛ 12:12

Yiti ɛ́mɔma ɛmɔ sa bɔ nu agoho, ɔne ɛmɔ nangoroma bɔ nu ayɛ hodwoo ne anu yɛ se.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.