Nehemia 6:8 - AHYERƐLƐ KRONGRON

⁸ Na mvale mmuayɛɛ ngɔmane ye kyɛ, “Sɔ edwirɛ bɔ ɛkekã ye, nu biala ɔtte nahorɛ, ɛbɔ wɔ sɔ nu yeɛ ɛkã ɔ!”

Nehemia 6:8 Iomraidhean Croise

Nehemia 6:7

Afei koso, aye ngɔmhyɛlɛfoɛ kyɛ bɛhyɛ wɔ nwo ngɔm wɔ Yerusalem kyɛ, ‘Yuda anya ɛhene oo!’ Kaye kyɛ bɛkɔfa sɔ dwirɛ he bɛkɔɔbɔ Nana amaneɛ. Yiti bra ma yɛdwene ye nwo.”

YOB NWOMAA NE 13:4

Na ɛmɔ de, ɛmɔ noa nu yeɛ ɛmɔbobɔ ɔ, ɛmɔ amukoraa bɛte safoɛ bɔ mvasoɛ nne ɛmɔ so ɔ.

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Edwein 38:12

Bɛ bɔ bɛpena me beku me ne, basunzua me ngaen; bɛ bɔ bɛpena me bepura me ne, m’asefinɛ nwo dwirɛ yeɛ bɛkã ɔ, na daa biala bɛbɔ me nwo porɛ.

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Daniel 11:27

Nakoso ahemvo nyɔ nemɔ de, nzɛmmɔne yeɛ ɔkɔwa bɛ ti anu ɔ, na bɛkɔtena didipono ko anwo bɛkɔhã ngondombo dwirɛ; nakoso bɛ porɛbɔlɛ ne kɔyɛ mbaen, ofikyɛ mmerɛ bɔ bahyehyɛ bato berɛ ne dwu a, yeɛ b’ayieleɛ kɔwa ɔ.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Asomafoɛ 25:10

Na Pɔɔlo buale ye kyɛ, “Ngyi Kaesare bɔbɔ deinn ye kɔɔto, na ɛwa yeɛ ɔsɛ kyɛ bedi me dwirɛ ɔ. Na kyɛbɔ wɔ bɔbɔ ɛse ne, nnyɔle Yudafoɛ bɔne biala.

Asomafoɛ 25:7

Na Pɔɔlo wale ne, Yudafoɛ bɔ befili Yerusalem bɛwale ne, bɛpɛle ye nwo kango, na bɛpepɛle edwirɛ mbirikua pee beguale ye so, bɔ bɛ bɔbɔ po bangora bangyire nu ɔ.