Nehemia 6:6 - AHYERƐLƐ KRONGRON

⁶ Krataa ne anu dwirɛ ole kyɛ, “Bɛkekã ye wɔ maen maen so, na Gesem koso wafa wato so, kyɛ ɛne Yudafoɛ ɛmɔbɔ porɛ kyɛ ɛmɔkɔyɛ lɔen. Ye sɔ ti yeɛ esi fasue nen. Amaneɛ bɔ baabɔ yɛ ne kyire kyɛ ɛpena kyɛ ɛyɛ bɛ so hene.

Nehemia 6:6 Iomraidhean Croise

Ɛsra 4:12

Nana, yɛbɔ wɔ amaneɛ kyɛ, Yudafoɛ bɔ befili wɔ dɔ bɛwale yɛ wa ne, baadwu Yerusalem, na besa bɛkyekye ɛlɔenyɛlɛfoɛ ne amumuyɛɛfoɛ kuro ne bieku. Fasue ne, basa bagua ye fapem ne maa wanya anwoserɛ, na waha kãa né bayie ye to.

Ɛsra 4:15

amaa ɔnate so aneanea wɔ nana mɔ dwirɛ bɔ bahyerɛ bato berɛ ne anu. Na ekonwu ye wɔ edwirɛ bɔ bahyerɛ bato berɛ ne anu kyɛ, sɔ kuro ne ɔte ɛlɔenyɛlɛfoɛ kuro bɔ ɔmma ahemvo mɔ ne mbɔtam mɔ bɛ nwo ndɔ bɛ ɔ. Ofi tetetete yeɛ kuro berɛ ama bahɔ so bayɔ maen mbanyi nwo lɔen ɔ, na ɔnate sɔ ati yeɛ wɔ mbanyi mɔ bɛbɔle sɔ kuro ne ɔ.

Nehemia 2:19

Nakoso Horonniɛ Sanbalate, Amonniɛ Tobia bɔ ɔte somvoɛ ne, yeɛ Araboniɛ Gesem bɛtele bɔ ɔkɔ so nen, bɛserele yɛ bɛgorole yɛ nwo kyɛ, “Na nzikyɛ yeɛ ɛmɔkyire ye? Ɛmɔyɛ Nana nwo lɔen anaa?”

Nehemia 6:13

Ɛhe ati yeɛ bɛbɔle ye paa ɔ: kyɛ ɔma ɛserɛ hã me, na nyɔ sɔ bɔne ne, amaa ɔnate so male dumaa tɛɛ, ná banya me basere me.

Nehemia 6:5

Sanbalate sa somane ye somvoɛ wɔ me berɛ ye pɛen nnu so maa ɔfale krataa bɔ banda ye noa ɔ ɔbrɛle me.

Nehemia 6:7

Afei koso, aye ngɔmhyɛlɛfoɛ kyɛ bɛhyɛ wɔ nwo ngɔm wɔ Yerusalem kyɛ, ‘Yuda anya ɛhene oo!’ Kaye kyɛ bɛkɔfa sɔ dwirɛ he bɛkɔɔbɔ Nana amaneɛ. Yiti bra ma yɛdwene ye nwo.”

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Romanfoɛ 3:8

Ebiemɔ to yɛ soen kyɛ yɛnwa, “Ɛ́mɔma yɛyɔ bɔne ná paa fi nu bra.” Na bekobua bɛ ye nwo ndɛen kyɛbɔ ɔfata ɔ.

2 Korintofoɛ 6:8

Bedi yɛ ni ná basa bagua yɛ nyunu ase, bɛkã yɛ nwo dwirɛ tɛɛ ná basa baye yɛ ayɛ; yɛkã nahorɛ nakoso bɛnwa yɛte nnakannaka,

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.