Nehemia 6:15 - AHYERƐLƐ KRONGRON

¹⁵ Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Nehemia 6:15 Iomraidhean Croise

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Ɛsra 6:15

Beyiele awuro ne si wɔ kyẽa bɔ ɔtɔ so nza wɔ bosome bɔ bɛfrɛ ye Ada ne anu, wɔ Nana Dario ahennie afoɛ bɔ ɔtɔ so nzia ne anu.

Nehemia 7:1

Mmerɛ bɔ besili fasue ne beyiele, ná nduatuale anoa nemɔ, ná nneaneane nu nyeyele pambim awɛmvoɛ, edweintolɛfoɛ ne Lewifoɛ nyiele ne,

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 147:2

AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.