Nehemia 6:13 - AHYERƐLƐ KRONGRON

¹³ Ɛhe ati yeɛ bɛbɔle ye paa ɔ: kyɛ ɔma ɛserɛ hã me, na nyɔ sɔ bɔne ne, amaa ɔnate so male dumaa tɛɛ, ná banya me basere me.

Nehemia 6:13 Iomraidhean Croise

Nehemia 6:12

Na nwuni kyɛ nna Nyameɛ yeɛ ɔsomane ye ɔ, na mmom ɔhyɛle sɔ ngɔm ne fale me nwo, ofikyɛ Tobia ne Sanbalate yeɛ bɛbɔle ye paa ɔ.

Nehemia 6:6

Krataa ne anu dwirɛ ole kyɛ, “Bɛkekã ye wɔ maen maen so, na Gesem koso wafa wato so, kyɛ ɛne Yudafoɛ ɛmɔbɔ porɛ kyɛ ɛmɔkɔyɛ lɔen. Ye sɔ ti yeɛ esi fasue nen. Amaneɛ bɔ baabɔ yɛ ne kyire kyɛ ɛpena kyɛ ɛyɛ bɛ so hene.

Anyandera 22:1

Dumaa paa te paa tra anwonya pee, yeɛ animnyam te paa tra ɛdwetɛ ne sikaa kɔkorɛ.

Anyandera 29:5

Ebiala bɔ ɔkã adɛfɛdɛfɛ dwirɛ kyire obiɛngo ne, né osua obiɛngo ne gya ngaen.

Nworɛ Dwirɛhanɛniɛ 7:1

Dumaa paa te paa tra ayirefona bɔ ye nyɔboɛ yɛ se ɔ, yeɛ ewue kyẽa te paa tra aworɛ kyẽa.

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 22:15

Yeɛ Farasiifoɛ mɔ bɛhɔle bɛɛbɔle porɛ kyɛbɔ bɛkwafa edwirɛ bɛkɔtetɛ Yesu noa ɔ.

Mateo 26:59

Na asɔfo mbanyi nemɔ ne badwafoɛ ne amukoraa bɛpenane edwirɛ bɔ bɛkɔfa bekoli Yesu nwo adanzewia ɔ, amaa ɔnate so banya ye bahu ye;

Asomafoɛ 6:13

Na bɛmane adanzewiafoɛ beegyinane berɛ bɛhane kyɛ, “Sɔ biaa he, ɔnyakyi musue dwirɛ bɔ ɔkekã tia nekaa krongron he ne mmeraa ne;

2 Korintofoɛ 11:12

Ngɔhɔ so ngɔyɔ bɔ meyɔ ne ala, na ɛhe ngɔma mmenia ngonya edwirɛ biala ngogyina so ná bafa bahoahoa bɛ nwo kyɛ bɛyɔ b’adwuma kyɛ yɛ deɛ ne ala.

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

Tito 2:8

edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.

Yakobo 4:17

Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”