Nehemia 6:12 - AHYERƐLƐ KRONGRON

¹² Na nwuni kyɛ nna Nyameɛ yeɛ ɔsomane ye ɔ, na mmom ɔhyɛle sɔ ngɔm ne fale me nwo, ofikyɛ Tobia ne Sanbalate yeɛ bɛbɔle ye paa ɔ.

Nehemia 6:12 Iomraidhean Croise

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Nehemia 6:13

Ɛhe ati yeɛ bɛbɔle ye paa ɔ: kyɛ ɔma ɛserɛ hã me, na nyɔ sɔ bɔne ne, amaa ɔnate so male dumaa tɛɛ, ná banya me basere me.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Yeremia 14:14

Na AWURADE sele me kyɛ, “Ngɔmhyɛlɛfoɛ nemɔ bɛfa me dumaa bɛhyɛ ngɔndorɔ. Nnzomane bɛ, mmmane bɛ ahyɛdeɛ biala, yeɛ nngane edwirɛ biala nngyirele bɛ. Ngondombo nyekyire, ngonyaayelɛ, edwirɛ mbaen mbaen ne bɛ bɔbɔ bɛ ti anu dwirɛ yeɛ bɛhyɛ ye nwo ngɔm bekyire ɛmɔ ɔ.

Yeremia 23:16

Bɔ Asafo AWURADE kã ɛhe: Ngɔmhyɛlɛfoɛ bɔ bɛhyɛ ngɔm bekyire ɛmɔ ne, nnɛma ɛmɔtie bɛ, na bɛlakalaka ɛmɔ. Bɛbɔ bɛ bɔbɔ bɛ ti anu bɛkã nyekyire bɔ nna AWURADE noa dwirɛ ahɔ ɔ.

Yeremia 23:25

Ngɔmhyɛlɛfoɛ bɔ bɛfa me dumaa bedi ngɔndorɔ ne, mate bɔ bɛkekã ɔ. Bɛnwa, ‘Mahye laleɛ, mahye laleɛ!’

Yeremia 28:15

Na ngɔmhyɛlɛniɛ Yeremia sele ngɔmhyɛlɛniɛ Hanania kyɛ, “Hanania, tie, nna AWURADE yeɛ wasoma wɔ ɔ, nakoso ama maen he bale ngondombo bali.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.

Hesekiel 13:7

Na sɛ ɛmɔkã kyɛ, ‘AWURADE nwa nyoo,’ wɔ aberɛ bɔ nngane huu a, aso nna nyekyire mbaen mbaen yeɛ ɛmɔanwu ye ɔ, ɔne ngondombo ngɔm yeɛ ɛmɔahyɛ ɔ?”

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Asomafoɛ 20:33

Me nye ammoro ebiala dwetɛ anaa sikaa kɔkorɛ anaa ataadeɛ.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 2:15

Sona bɔ Nyameɛ Sunzum wɔ ye nu ne, onwu nikye tɛɛ ne paa mukoraa, na ye de, ebiala ngora mmua ye ndɛen.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

Nyekyire 18:13

ɛsaa, pɛprɛ, ɛyɛɛ, krobo, ayirefona, nzaa, ngoo, esam paa, atokoɔ, nyɛmmoa, mmoaen, mbɔngɔ, teaseɛnam mɔ, nganga ne mmenia kra.