Nehemia 6:11 - AHYERƐLƐ KRONGRON

¹¹ Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Nehemia 6:11 Iomraidhean Croise

Nehemia 6:12

Na nwuni kyɛ nna Nyameɛ yeɛ ɔsomane ye ɔ, na mmom ɔhyɛle sɔ ngɔm ne fale me nwo, ofikyɛ Tobia ne Sanbalate yeɛ bɛbɔle ye paa ɔ.

Nehemia 6:3

Yiti nduli ɛbɔfoɛ maa beesele bɛ kyɛ, “Meyɔ adwuma bɔ ohia paa ɔ, yiti mengɔhora ba. Nzu ati yeɛ odi kyɛ meyakyi adwuma ne megua berɛ na mene ɛmɔ bayia ɔ?”

Nehemia 6:9

Ofikyɛ né bɛ mukoraa bɛpena kyɛ benwunanwuna yɛ. Bɛdwene kyɛ, “Bɛkɔpa aba wɔ adwuma ne anwo, na bɛkɔyakyi ye yɔlɛ.” (Na mmɔle mbaeɛ kyɛ,) “Ao Nyameɛ, mesrɛ wɔ, ma me hue yɛ se.”

Edwein 112:6

Ofikyɛ okogyina pindinn, na ye nwo ngayeɛ kɔtena berɛ afebɔɔ.

Edwein 112:8

Ye adwene gyi berɛ pindinn, na ongosuro kɔpem kyɛ bɔ ɔpena kyɛ ɔto ye pɔfoɛ mɔ ne, okonwu ye ɔ.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Nworɛ Dwirɛhanɛniɛ 10:1

Kyɛbɔ nwɔsea fuin ma sona bɔ ɔyɔ sakyeɛfona ye sakyeɛ ne bo mvamva ne, sɔ ala yeɛ ngwaseasɛm kãa bie sɛkye nworɛ ne animnyam ɔ.

Yesaya 10:18

Ɔkɔsɛkye ye hɔayeɛ nyemene ne ɔne ye aseɛ bɔ ɔkye aleɛ ɔ, okohu ɛkra ne anwoɔnaen bɔkɔɔ, na ɔkɔyɛ kyɛ yarefoɛ bɔ ɛfɔen ala yeɛ ɔfɔ ɔ.

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Hebrifoɛ 11:27

Ɔnate gyidie so yeɛ Mose tu fili Misraim bɔ wanzuro ɛhene ne yaafɛlɛ ɔ, na ogyinane pindinn kyɛ sona bɔ ye nye tua Ɛdangama Nyameɛ bɔ bennwu ye ne.

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”