Nehemia 5:5 - AHYERƐLƐ KRONGRON

⁵ Yɛne y’eliɛma Yudafoɛ ne, yɛ mukoraa yɛte sona ko. Yɛ mma te kyɛ bɛ mma deɛ mɔ ala. Nakoso yɛhyɛ yɛ mma mmienzua ne yɛ mma mmrasua mɔ maa bɛyɛ nganga, na yɛ mma mmrasua nemɔ bie de yali moa yatɔne bɛ. Yɛyɔ ye nwo hwee a ɔnyɛ ye, yeɛ y’aseɛ ne yɛ bobe boo mɔ ayɛ ebiemɔ deɛ.”

Nehemia 5:5 Iomraidhean Croise

Gyenesise 29:14

na Laban sele ye kyɛ, “Amba ɛte me dehyeɛ kaenn.” Na Yakob tenane Laban nwo berɛ ɛsraen ko.

Gyenesise 37:27

Ɛ́mɔma yɛ́yɛ ye atɔen yɛ́ma Yismaelfoɛ ne. Nnɛmɔmaa yɛfa yɛ sa yɛkã ye, ofikyɛ ɔte y’eliɛma ne yɛ bɔbɔ yɛ deɛ.” Na oliɛma nemɔ penene so.

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Anyandera 22:7

Sikafoɛ di ehiafoɛ so, yeɛ sona bɔ obisa bosea ne, ɔte bɔ ɔbɔ bosea n’akoaa.

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Mateo 18:25

Né ɔngɔhora kerɛ ne tua, yiti ye mene ne hyɛle kyɛ bɛtɔne ye, ɔne ɔye ne ye mma, yeɛ bɔ ole ye amukoraa, ná bɛfa betua kerɛ ne.