Nehemia 5:4 - AHYERƐLƐ KRONGRON

⁴ Na né ebiemɔ koso bɛkekã kyɛ, “Ɛtoɔ bɔ odi kyɛ yɛtua yɛma Nana wɔ y’aseɛ ne yɛ bobe boo nwo ne, ɔyɛ a yɛbɔ bosea koraka né yatua.

Nehemia 5:4 Iomraidhean Croise

1 Ahemvo 9:21

bɛ boso ama bɔ né bɛtɛ wɔ aseɛ ne aso, bɔ Yisraelfoɛ bangora bannua bɛ boso bɔkɔɔ ne, Solomon hyɛle bɛ maa bɛyɔle adwuma, na batoa so bayɔ maa waadwu ɛnɛ.

Ɛsra 4:13

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de bengotua ɛtoɔ, anaa ndɔ, anaa aseɛ nwo toɔ ne. Sɛ ɔba ye sɔ a, sikaa bɔ ɔba ahemvie dɔ ne, so kɔte.

Ɛsra 4:20

Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Ɛsra 7:24

Yɛ́ma ɛmɔte kyɛ, sɛ ɛmɔde asɔfo nemɔ, anaa Lewifoɛ, anaa edweintolɛfoɛ, anaa anoa wɛmvoɛ, anaa asɔneyɛɛ sua nwo awɛmvoɛ, anaa Nyameɛ awuro he anwo somvoɛ biala toɔ, anaa ndɔ, anaa aseɛ nwo toɔ a, otia mmeraa.

Nehemia 5:3

Yeɛ bɛ nu biemɔ koso hane kyɛ, “Ɔnate ɛhɔen kandinga ne ati, yafa yɛ boo mɔ, yɛ bobe boo mɔ, yeɛ y’awuro mɔ yasi awowaa yapena yɛ noa aleɛ.”

Nehemia 9:37

Ahemvo mɔ bɔ ɔnate yɛ bɔne bɔ yayɔ ti amaa bali yɛ so ne, bɛ mmom yeɛ bedi aseɛ ne aso aleɛ paa ne ɔ. Bele yɛ nipadua ne y’ayɛmmoa mɔ so tumi. Bɔ bekuro yeɛ bɛfa bedi yɛ ɔ, na edwirɛ piri paa yeɛ wato yɛ ɔ.”

Anyandera 22:7

Sikafoɛ di ehiafoɛ so, yeɛ sona bɔ obisa bosea ne, ɔte bɔ ɔbɔ bosea n’akoaa.

Yosua 16:10

Nakoso Kanaanfoɛ bɔ né bɛte Gɛsɛre ne de, Yisraelfoɛ andu bɛ amvi berɛ; yiti Kanaanfoɛ atena Efraimfoɛ nu toonn maa waadwu ɛnɛ, nakoso Efraimfoɛ hyɛ bɛ maa bɛyɔ adwuma.