Nehemia 5:2 - AHYERƐLƐ KRONGRON

² Ofikyɛ bɛ nu biemɔ hane kyɛ, “Yɛ ne yɛ mma mmienzua ne yɛ mma mmrasua, yɛsone. Odi kyɛ yɛnya aleɛ yɛdi ná yanya ngoa.”

Nehemia 5:2 Iomraidhean Croise

Gyenesise 41:57

Na ewiase mmenia mukoraa wale Yosef berɛ wɔ Misraim bɛɛtɔle aburoo, ofikyɛ né ɛhɔen piri ne noa yɛ se paa wɔ aseɛ ne aso nekaa biala.

Gyenesise 42:2

Na ɔtoale so sele bɛ kyɛ, “Mate kyɛ aburoo wɔ Misraim; ɛmɔhɔ dɔ bɛɛtɔ bie bɛbrɛ yɛ maa yɛli yɛnya ngoa na yanwuwu.”

Gyenesise 43:8

Na Yuda sele ye baba kyɛ, “Ma ate maa me ne abɛɛmaa ne yɛhɔ, na yɛkɔhɔ kekesaala ye, amaa yɛ ne wɔ ne yɛ mma mɔ, yanya ngoa na yanwu.

Gyenesise 47:19

Nzu ati yeɛ odi kyɛ yɛwuwu wɔ wɔ nyunu wa ma y’aseɛ mɔ ka berɛ ɔ? Tɔ yɛ ne y’aseɛ ná ma yɛ aleɛ, na yɛkɔyɛ Faro ngoaa, na yɛ aseɛ ayɛ ye deɛ. Ma yɛ aburoo bɔ yɛkolua ɔ, amaa yanwuwu, na mmom yanya yɛ ti yadidi nu, na aseɛ ne koso wanna berɛ mbaen.”

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Nehemia 5:3

Yeɛ bɛ nu biemɔ koso hane kyɛ, “Ɔnate ɛhɔen kandinga ne ati, yafa yɛ boo mɔ, yɛ bobe boo mɔ, yeɛ y’awuro mɔ yasi awowaa yapena yɛ noa aleɛ.”

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Deuteronomi 23:19

“Sɛ ɛfa nikyee fɛmo eliɛma Yisraelniɛ a, nnɛfa nzihoɛ si ye nwo: mekyire sikaa nwo nzihoɛ, aleɛ nwo nzihoɛ, anaa nikyee biala bɔ ɛfa fɛmo nwo nzihoɛ.