Nehemia 5:15 - AHYERƐLƐ KRONGRON

¹⁵ Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Nehemia 5:15 Iomraidhean Croise

Gyenesise 20:11

Na Abraham buale kyɛ, “Né menwa nzɛ ɛwa ama nzuro Nyameɛ koraa, na me ye ne ati bekohu me.

Gyenesise 42:18

Ɛlɛsa ne aso, Yosef sele bɛ kyɛ, “Ɛ́mɔyɔ ɛhe na ɛmɔanya bɛ ti badidi nu, ofikyɛ mesuro Nyameɛ:

Nehemia 5:16

Susu amba, nduli me nwo nziele berɛ mane fasue tolɛ adwuma ne, na mambena me ti anwo aseɛ biala. Me somvoɛ nemɔ amukoraa, mmaa bɛɛsɔle adwuma ne anu bie.

Nehemia 5:9

Yiti ngane kyɛ, “Nikyee bɔ ɛmɔyɔ ne, ɔtte mayee. Aso onni kyɛ ɛmɔsuro yɛ Nyameɛ, amaa ɔnate so maen maen mɔ bɔ bɛte yɛ pɔfoɛ ne, bangoro yɛ nwo ɔ?

YOB NWOMAA NE 31:23

Ofikyɛ né mesuro kyɛ Nyameɛ kɔma musue kɔto me ɔ, yeɛ ahaa mengɔhora ye animnyam ne anyunu gyina.

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 29:12

Maenbulɛniɛ bɔ otie ngondombo dwirɛ ne, ye mbanyi amukoraa bɛyɛ bɔnefoɛ.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yeremia 32:9

“Yeɛ ndɔle eboo bɔ ɔwɔ Anatote ne mvili me baba aliɛma bienzua awa Hanamel berɛ, na ngarili sikaa ɛdwetɛ sekel buru ne nzoo mane ye.

Awuye 5:8

Nganga mɔ yeɛ bedi yɛ so ɔ, na ebiala nne berɛ bɔ okole yɛ kofi bɛ sa nu ɔ.

Mateo 5:47

Na sɛ ɛmɔ aliɛma mɔ ngome yeɛ ɛmɔbisa bɛ ahye a, nzu yeɛ ɛmɔayɔ maa wabo so ɔ? Ewiasefoɛ po, aso nna sɔ ala yeɛ bɛyɔ ɔ?

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 12:13

Nzikyɛ paa yeɛ nyɔ mane asɔre ngaa nemɔ bɔ mbɛle ɛmɔ nyakyili ɔ? Sana m’anwokyere ye ala bɔ mamva mangua ɛmɔ so ye. Na sɛ ɛhe nwo yeɛ mayɔ tɛɛ hɔ a, nzaade ɛmɔfa bɛhyɛ me.

1 Samuel 8:15

Ɛmɔ aburoo ne ɛmɔ bobe mma ne, okole buru nu ngyɛmuɛ ko kɔma ye mbanyi ne ye somvoɛ mɔ.