Nehemia 5:14 - AHYERƐLƐ KRONGRON

¹⁴ Afei koso, ofi mmerɛ bɔ bɛfale me bɛyɛle Yuda aseɛ so amrado nen, ofi Nana Atasɛsɛse ahennie afoɛ bɔ ɔtɔ so aburanyɔ bɔ ɔkwaadwu ye afoɛ aburasa ne nyɔ ne aso ne, sɔ afoɛ buru ne nyɔ ne, me oo, nniɛma nemɔ oo, yɛ nu biala wanne aleɛ ndɔ bɔ odi kyɛ mmenia bɛfa bɛma amrado ne.

Nehemia 5:14 Iomraidhean Croise

Nehemia 1:1

Hakalia awa Nehemia, ye noa dwirɛ ɛhe. Afoɛ bɔ ɔtɔ so aburanyɔ ne, bosome bɔ bɛfrɛ ye Kislewi ne anu, ɛlɛho bie, né nwɔ Susa ahemvie.

Nehemia 13:6

Mmerɛ bɔ ɛhe amukoraa ɔkɔ so nen, né nne Yerusalem, ofikyɛ Babilɔn hene Atasɛsɛse ye ahennie afoɛ bɔ ɔtɔ so aburasa ne nyɔ ne anu, ngɔle ye berɛ. Na mmerɛ kãa pɛle nu ne, nzrɛle Nana ate,

Nehemia 2:1

Nana Atasɛsɛse lili bia ne, ye afoɛ bɔ ɔtɔ so aburanyɔ ne anu, bosome bɔ bɛfrɛ ye Nisan ne anu, ɛlɛho bie, né nzaa gyi Nana nyunu, na nzuli ye. Sɔ mmerɛ ne, né Nana Atasɛsɛse onnwuni kyɛ me wora abɔ wɔ ye nyunu le.

Mateo 25:16

Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

1 Korintofoɛ 9:18

Yiti akatuaa beni yeɛ menya ɔ? M’akatuaa ole kyɛ ngɔhã Kristo nzɛmba ne bɔ memmisa ebie dɔ hwee ɔ, ná afei asɛdeɛ bɔ odi kyɛ bɛyɔ bɛma me wɔ nzɛmba ne anwo koso memmisa ɔ.